Hkristmas Mungga, 2023

Hkristmas Mungga
Wa Jau Hku nna Shawng nna yawng hpe Happy Hkristmas ngu nna shakram nngai..kabu myit ngwi myit pyaw simsa ai chyeju hkam lu myit ga..

Easia 9:6 hta kaning rai nme law anhte a matu ma chyangai shangai nna anhte hpe shadang sha jaw ni ai..nga nna tsun da ai hpe mu lu nga ai..

Hkristu hta tsawra hkungga ai nu wa hpu nau ni anhte a matu ma chyangai gaw shangai chying hkai ni ai re ... ma chyangai ngu ai gaw hpa lachyum ta daini anhte shinggyim masha ni shanu shingbyi nga ndai mungkan ga hta e rawt malan nga ai lam ni lagut damya ni sat hkat nat hkat ai lam ni jahten shaza ai lam ni grai law htam wa nga ai ..rai yang shangai chyinghkai wa sai ndai ma chyangai gaw hpa lu galaw ya na ta..masha law malawng gaw ndai zawn hten za nga ai mungkan shiga ni lam hpe Radio nsen shapoi ai lam hpe madat.ai.bai shiga laika ni hpe hti rai nna ...myit ana ni byin hkrum sha nga ai ni gaw hkrum sha rai nna e.. lam amyu myu hta yak hkak jam jau hkrum sha nga ma ai re...dai majaw gara hku na e dum u sat wa kang hta kaleng taw nga ai n gun n rawng ai ndai ma chyangai gaw.. gara hku na mungkan ga hpe hkye hkrang la lu na ta?
garum shing tau la na matu shi hta e n gun atsam nga ai kun.. nau n kaji hprau ai kun... nga nna e tsun san shara tai nga na re

Tsawra ai nu wa hpu nau ni daini anhte a lapran e du nga sai machyangai gaw laga ma chyangai ni hte gaw n bung nga ai..shi gaw lak lai ai ma chyangai ngu na karai kasang shi hkum nan rai nga ai..Esaia 9:6 hta ma chyangai gaw zaw nawng zaw wa up ai karai kasang nga nna tsun da ai hpe mu ai zawn Mtt 28 : 18 sumsing lamu hta e mung ginding aga hta e mung.. up hkang na ahkang nlang hte ngai hpe ap ya ni ai...rai yang ndai ma chyangai gaw kaja wa up hkang nga ai kun..ndai ma chyangai gaw mungkan ga ntsa e byin nga ai n kaja ai lam ni.. rawt malan ai lam ni sat hkat nat hkat zingri hkat mawp lu mawp sha hkat kashun kashe rai hkat..ndai zawn lam ni hpe kaja wa nan awng dang lu ai hte ma hkra hpe dangdi lu ai karai kasang gaw rai nga ai kun..bai anhte ni mahtang gaw shut hpyit mara mahkra hte ka up da hkrum nna mungkan yu bak ngu na nsin htawng kata e hkrat sum taw nga ai n rai a ni...

shiga madat nu wa hpu nau ni anhte shinggyim masha ni shanu shing byi nga ai mungkan ga gaw ya na zawn ndai lam ni hte hkrum sha nga ai ten karai kasang hpa rai zim ya taw nga ai kun.. .shing nrai yup pyaw taw nga ai i..gara hku ta nga nna san mayu na re..anhte hpe hkye la na matu yu sa wa ai nga..ya hpa mung n lu galaw ya sai kun..nga nna mung tsun mayu na re...

ya zawn nhkru n kaja ai lam ni hte hten za ai lam ni yak hkak jam jau hkrum sha nga ai lam hpe Hkristmas ngu na hte gara hku mu chye lu na ta..shut mara hte nat tsa dan hpe dang ai wa gaw nga.. ya mu mada nga ai bai yang gaw mara hte nat tsa dan mahtang dang taw nga ai hkrang she rai nga ai..hpa majaw ndai zawn nhkru nkaja ai hte mara lu ai ni mahtang shara lu nna ndai mungkan ga chying lau sha nga a kun?...tsun mayu na re..
shiga madat nu wa hpu nau ni e ndai zawn yak hkak jam jau nga ai lam ni mahkra hpe hkrum sha ra na nga nna e asak hkrung jachyum mungga hta e moi tau hkrau nna tsun da ya nga sai re hpe anhte myit dum ra nga ai..Lk a laika 24:26
Shinggyim masha ni hpe hkyehkrang la ai Madu Yesu prat hpe yu yu ga..shi gaw dumsu u shat wa kang hta ma chyangai hku nna shangai chyinghkai wa ai ten kaw na Herod hkawhkam a hkan sat ai lam ni hpe hkrum sha lai wa ai..dai majaw daini anhte hkrum sha nga ai hpyen sin yam hpe anhte a shawng e shi madu gaw masha langai hku nna ma kaji prat kaw na nan hpyen yen htawt sit let hprawng hkawm lai wa ra ai hpe chye lu ai..kaba ai shaloi mung shi kasa ni hte tara hkaw ai hpung dagu hte shamai shatsai ya ai..magam bungli ni hpe galaw nga ninglen masha ni a nyet katut ai rim hkrum zingri ai.. yu kaji jahpyak hkrum ai.. zingrat ai ndai lam hpe hkrum sha lai wa ai mung rai nga ai..mungkan masha langai hku shingdaw nna tsun ga nga yang masha tai sum wa rai nga ai..ngu tsun yang pi nshut na zawn rai nga ai..

Madu yesu gaw tengman ai wa rai nga ai zawn..kaja ai lam mahkra hpe jaw ya nga ai wa rai nga ai raitim n kaja ai lam ni a zingri ka up dang sha ai lam ni hpe hkam sharang lai wa ai..hpang jahtum e kade daram rai a ta nga yang Madu yesu hpe u dang hta jen noi sat kau ai du hkra rai mat ai majaw madu gaw kaja wa nan nat tsa dan lata hta sum mat sai ngu na daram shadu na zawn rai mat nga ai..
Ndai zawn lam hpe Madu shi hkum nan hkam la ai lam gaw e kawa karai kasang a sharawng awng ai lam rai nga ai hpe mung madi madu ya nga ai..lk 24: 26 hta hkristu gaw shingre ai nni nkri hkam nna shi a hpung shingkang hta shang ningngai na re ai nrai ni? ngu nna tsun da ai lam hpe mu lu ai..
mtt 26 : 52-54
Madu yesu gaw koi yen kau ya na matu garum hpyi yang mai ai raitim dai zawn shi madu galaw yang gaw kawa karai kasang a sharawng awng ai lam ni hpe gara hku na jahpring zup lu na ta nga nna e bai tsun lai wa ai.rai nga ai...
tawra ai nu wa hpu nau ni anhte shanu nga ai ndai mungkan ga a matu shiga