Wa Sarabyin Francis gaw Vatican na tsi gawk tsi seng ni hta magam gun nga ai ni hpe ''Nanhte a magam bungli hta tsawra myit bungjat ra nga'' ai ngu nna tsun lai wa ai.

Wa Sarabyin Francis gaw Vatican na tsi gawk tsi seng ni hta magam gun nga ai ni hpe ''Nanhte a magam bungli hta tsawra myit bungjat ra nga'' ai ngu nna tsun lai wa ai.

Wa Sarabyin Francis gaw Vatican na tsi magam hpung ni a 150 ning ladu hkrum poi nhtoi garai n du shi ai shawng e tsi seng ni hta magam gun nga ai ni hte hkrum shaga ai ten, nanhte gaw hkala hkra loi ai ni hte hkam nkaja ai ni a malai ''sasana'' hpe matut galaw gun hpai na matu shatsam n-gun jaw ga tsun lai wa ai.

2024 ning hta dai a gaw de hpang wa ai150 ning hpring ladu hkrum masat dingsat poi nhtoi hku nna Vatican tsi seng a magam gun La sha latsa e manga shi (150) ram hte lai wa sai 18.9.2023 laban bat langai ya shani hta hkrum zup ai ten Wa Sarabyin Francis gaw shanhte a kyang let ai lam hte ap nawng ai lam ni a matu chyeju dum ga tsun lai wa ai hte shanhte galaw nga ai bungli hta masha ni hpe alum ala hkap hkalum la chye ai myit masa ni a matu mung chyeju dum lai wa ai.  

Roman Curia rung hta 150 ning ting magam gun ai lam.

Clementine gawknu hta shi a mungga hpe tsun ai shaloi Wa Sarabyin gaw shi a shawng na Wa Sarabyin Gregory XVI a myit shingran yupmang hpe hkrang shapraw lai wa sai A lu ai masha Wa Sarabyin Pius IX kaw nna 1874 ning hta Wa Sarabyin hte Cardinal ni a matu nga nna  tsi mawan tsi gawk hpe lajang na matu gaw de lai wa ai tsi seng a labau lam hpe kadun ai hku nna tsun dan lai wa ai.

Tsi tsi gawk hpe Saint John of God nga nna law malawng chye da ai ''Matsan dum myit nga ai kahpu kanau'' ni hku nna mung masha ni malawng chye ma ai , Itali myusha ga hku na gaw ''fatebefratelli'' ngu lachyum shaleng let ''kaja ai magam galaw ai kahpu kanau ''ni nga nna mung lachyum lu ai dai uhpung ni kawn tsa ban 4 jan du hkra galaw lai wa nna mungkan shara shagu hta hkamja lam hte shiggyim uhpung ni hte seng ai lam hpe galaw lajang ai magam bungli gaw dam lada nga ai..

Grau nna Wa Sarabyin gaw Vatican tsi seng hte fatebenefratelli hta mungkan shara shagu kaw na shakawn shagrau hkrum ai hte lahkawng lang ngu na Vatican kawng si na Wajau ni a grai manu dan ai karum shingtau ya ai lam ni hpe mung shadan shadawng lai wa ai.

Dai tsi seng ni gaw Vatican magam gun ni hte Vatican myu mare kaba hta shanu nga ai ni a matu sha nrai shara shagu hta tsi mawan yak hkak hkrum taw ai ni a matu mung hpang de aten dep du hkra maden jat ya lai wa ai.Ya aten hta ap nawng magam gun ai ni a 50 tsalam shadang jan gaw Vatican myu mare kaba shigan gan na sa du tsi mawan hkam la ai lam re hpe chye lu ai.

Atsam ningra ai ni hpe tsawra myit bungjat jaw ya ai.

Wa Sarabyin Franics hku nna Fatebenefratelli hte tsi seng kaw magam gun ai yawng hpe ndai magam bungli a matu alum ala grai chyeju dum nga ai.

Nanhte a ap nawng galaw ai lam gaw laga tsi seng ni hte n bung nga ai lam hpe matsing masat tsun lai wa ai. Hpa majaw ta dai zawn daw jau ai magam lam gaw kasa petru hte Roman Curia rung na hkringhtawng hpe dagraw la ai lam sha nrai n-gun atsam ningra nga ai ni hte machyi makaw hkrum nga ai ni a matu tsawra myit kaba hte jahpring satsup ya ai..kaja wa ndai zawn lam mung ra kadawn nga ai hpe tsun lai wa ai.

Nanhte a bungli magam hta asak kaba sai ni law law lawm nga ai. Dai ni gaw tsi mawan sha nrai myit maju jung hkam mayu ai,mani sumsai myi man hte si mani ai ga si ni hte tsun ai hpe jahkring hkring sha na mayu ai ni mung grai law nga ai..bai Wa Sarabyin gaw myit galu ai hte nden marai rawng ai lam ni gaw chyum laika kaw rawng nga ai hte maren galaw sa na bungli lamang ni hta n-gun shapraw dan let sak se hkam na matu ahkyak nga ai lam hpe numnak ga tsun lai wa ai .

''Nanhte a tingkyeng bungli hku nre, ndai gaw sasana magam langai'' rai nga ai nga nna tsun lai wa ai..

Madat ai lam, madat ya ai lam ngu ai ndai lam ni hpe ''Nanhte a sasana magam hkrun lam hta nmai malap kau nga ai...kalang marang na a matu lagawn na zawn nga na re rai tim dai masha ni shaga ai hpe atsawm sha madat ya ai a majaw nang hku nna e Karai Kasang kaw na gum hpuk la lu ai mung rai nga ai''.

Machyi ai ni hpe yu lagawn ai gaw Karai Kasang hta magam gun hpai ai lam rai nga ai.

Ga hpungdim hku na Wa Sarabyin Franics gaw Vatican tsi seng na magam gun ni hpe magam bungli gum hpai ai hta nanhte a myi ni hpe udang hta ningma hte noi nga ai madu hpe azi mada yu let bugli galaw gun hpai na matu shadum jashai ya lai wa ai.

Wa Sarabyin Francis gaw ''Machyi makaw hkrum ai wa hpe yu gawn lajang ai gaw Karai Kasang hpe yu gawn lajang ai lam rai nga ai'' ngu na tsun shadum lai wa ai.

''Sumsing lamu na tsi sarawin kaw na myit galu hkam sharang ai hte tsawra myit n-gun hte ba ai n nga ai zawn madun ai lam gaw tsawm hta nga ai.Tsi rung kawngta saboi kaw na udang masat kasi gaw nanhte yawng hpe n-gaw nwai myit rawng ai masha shani shagu byin tai shangun nga u ga''.