Wa Sarabyin Franics Madagascar Mung Na Gumsan Magam Hte Hkrum Ai Lam

Wa Sarabyin Franics Madagascar Mung Na Gumsan Magam Hte Hkrum Lai Wa Ai Lam 

Wa Sarabyin franics Madagascar mung a gumsan magam Mr.Andry Nirina Rajoelina hte hkrum shaga ai ten hta lai wa sai 2019 ning hta  dai mungdan na shi a sasana hkrun lam hpe pi bai myit dum shangun ai lam tsun dan lai wa ai.

laban bat mali ya shani, Wa Sarabyin franics kawn Madagascar a gumsan magam Mr.Andry Nirina Rajoelina hte lak san hkrum shaga lai wa ai hpe chye lu ai. Dai hpang mungdan ni hte kanawn mazum lam a matu ningtau hkringmang Msgr.Miroslaw Wachowski the bai hkrum lai wa ai.

Bawngban hpawng hpe mungdan hkringmang ni a rung shara hta hkrum shaga ai galaw lai wa ai hta  Wa Sarabyin hte Madagascar yan a pyaw hpa lam the kaja ai lam ni hpe madi madun tsun jahta lai wa ai. Dai hte maren sha Madagascar na uhpung dawsang law law hta kahtawlik nawku hpung kawn karum gumhpraw ni hte shang lawm garum ai lam law law nga lai wa ai hpe mung chye lu ai.

Mungdan ga daga hte seng ai ahkyak ai lam

Wa Sarabyin a htangdip laika dap kawn tsun shapraw dan ai hte maren shanhte a mung jahta ga gaw myu hkum ai amyu sha lam hte mungdan ga daga hte seng ai ga baw ni lawm nga ai hpe chye lu ai.

Bai nna majan byin hkrum sha nga ai Ukraine hte Mungkan ting na mayak mang hkang lam ni hte African dan ting hta hkrum sha taw nga ai mang hkang ni hte seng ai lam ni hpe tsun jahta lai wa ai lam chye lu ai.

Dai hta n-ga, Ndai hkrum shaga ai a majaw Mung dan lahkawng lapran hta shada da hkungga ai hte rau chyawm galaw sa wa na masat lekmak htu ai lam hpe myit hkrum hpang wa sai lam hpe mung chye lu ai.

Minute 30 hkrum zup hpawng ngut ai hpang Wa Sarabyin Franics gaw gumsan magam Rajoelina hte shi a dat kasa hpung ni hpe  6- September shata 2019 hta Madagascar mungdan de sasana sa ai shaloi hkap la lu sai sanghpaw bung pre sumla kaji a makau e uhpung sumla kayat na matu saw shag alai wa ai.

Sumla gayat ngut ai hpang Wa Sarabyin Franics gaw Madagascar mungdan kaw na Wa Saradaw ni ap jaw lai wa sai Nu Maria hkrang sumla shawng hta A-ve Maria akyu hpyi ga hpe hpyi ai lam galaw lai wa ai.

     Wa Sarabyin Franics kawn gumsan magam hte shi a hpang hkan nang ai ni a ntsa e shaman jaw let hkrum shaga ai lam hpe shangut la lu sai lam hpe chye lu ai.