Wa Sarabyin Francis Hte Ghana Mungdan Na Ningbaw (President) Akufo-Addo Yan A Hkrum Zup Ai Lam

Wa Sarabyin Francis Hte Ghana Mungdan Na Ningbaw (President) Akufo-Addo Yan A Hkrum Zup Ai Lam

Wa Sarabyin Francis gaw Ghana Mungdan na Ningbaw (President) Nana Addo Akufo-Addo hte Pietro Parolin mungdaw na Amu madu Cardinal yan hte hkrum shaga ai hta hpaji lam yan hte Hkamja lam hte seng ai Gin lam ni hta grau nna n-gun dat ra na lam hte Mungkan ting hte sinna Africa mungdan a simsa na hte seng ai lam ni hte shimlum na lam hte seng ai ni hpe gara hku galaw sa wa na hpe hkrum shaga tsun lai wa ai.

Wa Sarabyin Francis kawn Ghana Ningbaw (President) Mr. Nana Addo Akufo-Addo hpe Paul VI gawk ngu hta lai wa sai Bat kru ya shani hkrum shaga wa ai lam hpe Wa Sarabyin A Rung (The Holy See Press Office) kawn shiga hta e ndau shana lai wa sai hpe chye lu ai.

Ghana Ningbaw (President)  Akufo-Addo gaw Wa sarabyin hte hpung masha nkau mi, Pietro Parolin Mungdaw na Amu madu Cardinal hte Amu madu malai rai nga ai Saradaw kaba Paul Richard Gallagher ni hte mung hkrum shaga lai wa sai hpe chye lu ai.

Wa Sarabyin (The Holy See) hte Ghana Ningbaw (President) hkrum zup shaga ai lam hta kaja ai matut mahkai lam lu la ai hpe mung chye lu ai.

Hpaji lam hte Hkamja lam hte seng ai Ginlam hpe madung da nna Catholic Nawku hpung the Ghana mungdan ni rau chyawm n-gun dat shakut na lam jahkrup tsun lai wa ma ai zawn Ghana Mung na Mung masa lam hte sut masa lam ningmu ni hpe mung gara hku galaw sa wa na lam hpe jahkrum bawn ban lai wa sai hpe mung chye lu ga ai.

Tatut hta mung Mungkan ting a simsa lam hte seng ai Mang hkang ni hpe hparan lajang ra na hte West Africa Mungdan ting a simsa lam hte Shim lum lam hpe grau rawt jat wa hkra n-gun dat shakut sa wa na lam hpe mung tsun lai wa ai lam chye lu ai.

https://www.vaticannews.va/en/pope/news/2023-07/pope-francis-audience-ghana-president-akufo- addo.html