Saint Irenaeus of Sirmium (March 24) 24 March 2023

Saint Irenaeus of Sirmium (March 24)

San Pra ai Irenaeus gaw, Diocletian hkawhkam kawn Nawku Hpung hpe zingri sat shamyit ai aten hta makam masham hte seng nna nden ja ja ning hkap lai wa sai rai nga ai.

Shi gaw, Yugoslavia Mungdan, Sirmium mare kaw na Saradaw mung rai nga ai. Nat ni hpe hkungga ai poi, Saradaw hpe galaw shangun ai raitimung, tsep kawp n galaw ai majaw, shi hpe Pannonia ginwang up du wa a lata hta rim hkrum sai. Saradaw Irenaeus hpe aje amya re ai hpun palawng jahtum nhtawm zingri shatsang ma ai. Shi hpe hka kaw kabai bang kau na nga jahkrit ma ai shaloi, “HKristan majing gaw sat shamyit ai ni hpe hkrum gwi ai sha n-ga, n hkru dik ai hku nna zingri ai lam hpe mung hkap la na jin jin re.” nga nna bai htan ya lai wa ai. Shi a makam masham hpe n hkrit ai sha ngang ngang rai shatup sai.

Hpang jahtum e, San Pra ai Saradaw Irenaeus a baw hpe kahtam daw kau nhtawm shi a hkum hpe hka kata de kabai bang kau ma ai. Ndai lam gaw, masha law law a matu tinang a makam masham lam hta jahtum du hkra manoi manat nga ra ai ngu ai a kasi kamang hpe shi hkum nan sakse madun ya ai mung rai nga ai.

Saradaw Irenaeus n nga mat ai hpang, Nawku Hpung gaw, shi hpe San Pra ai masha dang dat nna, shi a Poi Nhtoi hpe mung March shata (24) ya shani masat shagrau dat ya sai rai nga ai.

Daini Nawku Hpung gaw, San Pra ai Saradaw Irenaeus a Poi Nhtoi hpe galaw nga ga ai aten hta, anhte a prat htum aten du hkra, anhte hkap la da sai makam masham hta, sadi dung kang ka let hkawmsa lu hkra shakut nga ga law.

By;

Sister Rose Angeline Maran Nang Doi (SFX)

RVA-Kachin Service (Myitkyina)