Mynamar Mungdan Simsa Lam A Matu Wa Sharabyin Akyu Hpyi Ya

Shaning law law nhkrum nra ai lam hte zingri zingrat hkrum sha ai tsin yam ni hkoi mat nna Myanmar mung masha ni simsa lam tam lu u ga Wa Sharabyin akyu hpyi ya ai.

Francesca Merlo

Lai wa sai laban hta Wa Sharabyin Francis kalang bai Myanmar mung simlam a matu akyu hpyi ya lai wa ai. Shaning law law shoi hpa shoi rang hkrum sha lai wa sai lam ni a matu hte simsa, rapra tsaw ra ai mungdan a matu Angelus akyu hpyi hpawng hta  lak san akyu hpyi ya ai.

Dai shara kaw ruyak tsin yam hte shoihpa shoirang hkrum sha taw nga ai ni hte yak hkak ai lam ni hpe laidi kau let simsa lam a matu  rau sha jawm pawng galaw sa wa lu uga mung akyu hpyi ya ai.

Lai wa sai shata kru kaw nna Myanmar mungdan Myan hpyendap kawn Asuya a daru magam ahkang aya hpe zing madu la kau ya lai wa ai hpang lammaw ntsa shawa n-gun madun mung shawa ni jahkring hkring asak si mat wa nga ai.

Myan hpyen dap Asuya kawn mungdan daru magam ahkang aya zingla ai shata kru na sai rai nna dai zawn zing madu la ai hpang mung shawa masha ni lam ntsa hkawm shawa n-gun madun ninghkap ai lam hpe galaw ma ai hpe Myin Awng Hlaing woi awn ai Myanmar hpye dap hpung ni kawn Jahkrit rim, hkyuk htawng bang zingri ma ai lam hpe Vatican shi laika hta tsun ndau da ya ma ai.

Source: Vatican News

Paul Zaul Jum