Mara Raw Ya Ai Hpan Kade Nga Ai Kun?

 Cahtawlik hpung hta mara raw ya ai lam hpan kade nga ai kun i? Kalang lang wajau ni shawa mara raw ya ai lam hpe lawm yu ai dai shawa mara raw ai hta shawngde mara raw chyoi pra hkum nhkam shi ai hpung masha ni dai shawa mara raw ai kaw chyoi pra hkum mai hkam la ai baw rai kun chye mayu ai chyeju hte garum la rit wajau hpang lajin dat ai. Mohnyin jau ginwang bilu sr gaiwang bilu awng mye mare kaw shanu nga ai joseph maran ladoi a ga san hpe htai ya na nngai.

 Mara raw Sakramentu chyeju kumla gaw Kahtawlik makam hta Sakramentu 7 nga ai hta na langai mi rai nga ai. Sakramentu 7 gaw: (1) Kashin Kamun Sakramentu, (2) Mara Raw Sakramentu, (3) Chyoi Pra Hkum Sakramentu, (4) N-Gun Shaja Sakramentu, (5) Nam Man Chya Sakramentu, (6) Hkungran Sakramentu, hte (7) Jau Shatai Sakramentu ni rai nga ai.

Nawku Hpung labau hta Mara Raw Sakramentu hpe mying amyu myu shamying ma ai hpe mu lu ga ai. Mara hpe hkap yin la ai re majaw “Mara raw ai” (confession), tinang a mara a matu n kam tim galaw ra ai amu re majaw, “mara dan hkam ai” (penance) hte mara raw dat ya ai re majaw “mara raw ya ai” (forgiveness), nga nna shamying da nga ai.

Dai mung jaw nga ai. Rai ti mung, “Htingrai Htingrat ai” ngu tsun yang gaw kaja dik ai lachyum pru nga ai lam Wa Jau Leo Lazing Tu Shan a Nawku Hpung Na Sakramentu Ni ngu ai laika buk hta anhte Jinghpaw wunpawng ga hte sang lang da nga ai.

Kahtawlik Nawku Hpung a tara upadi laika buk rai nga ai Canon Law Laika buk hta Canon masat 959 – 997 gaw Mara Raw Sakramentu hte seng ai tara lam ni rai nga ai.

Dai hkan sa ra ai tara ni hpe hkaja yu yang, mara raw sakramentu a lachyum hte rau dai mara raw sakramentu hkam la lu na matu hkan sa hkan shatup ra ai lam ni hpe matsun da ai lam ni hpe madung mu lu na ga ai.

Mara raw Sakramentu hkam la lu na matu tau nau hkyen lajang shajin shacyip da ra ai lam hta (1) myit malai ra ai lam, (2) Myit kraw kata hta mara dan hkam ai lam, (3) mara ni hpe dum sawn ai lam (4)mara raw ai Sakramentu hpe hkam la ai shaloi hkan shatup ra ai lam, (5) mara raw sakramentu hkam la ai hpang hkan shatup ra ai lam ni hte rau mara raw sakramentu hte seng ai kaga lam ni mung naw lawm nga ai.

Canon masat 960-964 gaw “THE CELEBRATION OF HTE SACRAMENT” Mara Raw Sakramentu hte seng ai lamang galaw shatup ai lam, Canon masat 965-986 gaw “THE MINISTER OF THE SACRAMENT OF PENANCE” Mara Raw Sakramentu chyeju kumla hpe jaw ya ai wa hte seng ai lam, Canon masat 987-997 gaw “THE PENITENT” Mara Raw Sakramentu hkam la na wa e hkan shatup ra ai lam ni rai nga ai.

Tsun ga nga yang, mara raw ya ai hpan myu lahkawng nga ai. Langai gaw “Individual Reconciliation” “shingtai marai langai sha mara raw hkam la ai” hpe tsun ai. Ndai hte seng nna Canon masat 960 kaw tsun da ai. (C. 960 – Individual and integral confession and absolution constitute the only ordinary means by which a member of the faithful conscious of grave sin is reconciled with God and the Church. Only physical or moral impossibility excuses from confession of this type: in such a case reconciliation can be obtained by other means) Mara Raw Sakramentu Chyeju Kumla hkam la na masha hkum nan Jau kaw sa nna mara raw sakramentu chyeju kumla hpe hkam la ra ai. Kaja wa sha nan mara raw n sa hkam la lu na masa hta rai yang sha nawku hpung kawn matsun da ai kaga mahkrun lam hku hkam la mai hpe tsun ai rai nga ai.

Kaga hpan langai gaw hpu nau wa san ai “General Reconciliation” “shawa mara raw hkam la ai hpe tsun ai. Ndai hte seng nna Canon masat 961 hta matsun da ai. (C.961- &1. Absolution cannot be imparted in a general manner to many penitents at once without previous individual confession unless: [1] danger of death is imminent and there is insufficient times for the priest or priests to hear the confessions of the individual penitents; [2] there is grave necessity, that is, when in view of the number of penitents, there are not enough confessors aviailable to hear the confessions of individuals properly within a sutable period of time in such a way that the penitents are forced to be deprived for a long while of sacramental grace or holy communion through no fault of their own. Sufficient necessity is not considered to exist when confessors cannot be present due only to the large number of penitents such as can occur on some great feast or pilgrimage.

&2. It belongs to the diocesan bishop to judge whether the conditions required according to the norm of &1, [2] are present. He can determine the cases of such necessity, attentive to the criteria agreed upon with the other members of the conference of bishops)

Mara Raw Sakramentu chyeju kumla hkam la na masha grai law nna Mara Raw Sakramentu hkam ya na jau gaw n law, aten mung n law, nawku daw jau na aten hpe jahtuk la n lu na zawn re ai masa lam ni rai wa yang, shing n rai, akyu hpyi buhkawm shara ni hte nawku daw jau poi lamang kaba ni nga ai aten ni hta mara raw masha grai law na masa nga ai shaloi hkan “Shawa mara raw ai lam hpe galaw mai ai lam” Nawku Hpung Canon upadi hte ahkang jaw da ya nga ai. Raitim dai lam hpe galaw na gaw Ginwang Up Saradaw hte seng ai ngu mung tsun da nga ai.

Shawng de mara raw Sakramentu Chyeju kumla n hkam la shi ai ni gaw dai shawa mara raw ai hta lawm ai rai tim, Chyoi Pra Hkum Sakramentu hpe gaw n mai hkam la ai. Mara Raw Sakramentu hkam la ngut ai hpang she mai hkam la ai rai nga ai.

Nawku hpung matsun hte maren seng ang ai ni e tara laika sharin ya ai hpe hkam la ngut nna Mara Raw Sakramentu gaw kalang pyi n hkam la yu shi ai rai yang mung dai zawn re ai shawa mara raw kaw lawm ai raitim, ginwang up Saradaw, shing n rai, shi e ahkang jaw da ai Jau e ahkang jaw ai lam n nga ai rai yang mung chyoi pra hkum hpe n mai hkam la ai.

By Fr. Patrick Gawmaw Hkawng Yae