Wa Sarabyin Francis Hkam Kaja Ai Hte Tsi Rung Kaw Na Yu Sai

Wa Sarabyin Francis gaw Pudung kan gyip ana machyi ai majaw ga lajang tsi tsi hkam la na matu Roma kaw na Agostino Gemelli tsi rung hta ninghtoi ( 11 ) ya tup tsi tsi hkam la ngut ai hpang 2020 July 14 ya jahpawt  tsi rung yu nna Vatican de  hkam kaja ai hte bai du wa sai lam chye lu ai.

Wa Sarabyin hpe tsi tsi gawn lajang ya ai tsi sarawun ni a matsun ahkang hte tsi rung yu ai rai nna shi shanu nga ai shara Santa Marta de garai ndu shi yang St.Mary Major Basilica jawng kaba hta shang akyu hpyi da ai. Tsi rung kaw na garai n pru wa ai aten hta mung tsi lung nna machyi taw ai ma kasha ni hpang de sa gawan akyu hpyi shaman ya ai lam ni hpe galaw lai wa ai.

Wa Sarabyin Francis gaw ga lajang tsi tsi  hkam la  ai hpe awng dang ai hte galaw la lu sai majaw Karai Kasang hpe chyeju dum ai lam hte shi hte hkrum zup ai tsi rung kaw na machyi masha ni a matu mung akyu hpyi ya ai.

Du na laban shani du hkra ahkyak ai manam ni hte hkrum shaga ai lam ni garai n galaw na re nga nna Vatican shiga dap kaw nna shana dat nga ai.

Wa Sarabyin Francis gaw tsi tsi hkam la let tsi rung rawng nga ai aten hta mung shi hkum nan machyi masha rai nna n hkamja taw ai raitim tsi rung wang kata na hkamja dap magam gun ni hte machyi masha ni  hpe n gun jaw ga tsun ai,akyu hpyi shaman ya ai lam ni galaw lai wa ai rai nga ai.

Shiga - Julia Ja Ing

Source - Vatican News