San Pra ai John Francis Regis a Poi Nhtoi (June 16)

San Pra ai John Francis Regis gaw, 1597 ning, January shata (31) ya shani hta Fransik Mungdan Lanuedoc mare kaw na Lusha nga pyaw ai kanu yan kawa kawn shangai chyinghkai wa ai rai nga ai.
San Pra ai John Francis Regis gaw, Beziers mare na Jesuit Jau ni a Dakkasu kaw laika hpaji sharin la nna asak (19) ning du ai shaloi Jesuit Jau Magam Gun Wuhpung Shang (Novitiate) tai wa nna lahkawng ning na ai hpang gaw, Jesuit Magam Gun Wuhpung shang Ga Sadi (Vow) tawn na ahkang la lu sai.
1621 ning, Shi a asak (24) ning du ai shaloi gaw, Philosophy myit kung hpaji sharin la ngut ai hpang, College Jawng law law ni hta laika sharin hkaja la lai wa sai.
1630 ning, Jau Shatai Sacramentu hpe hkam la ai hpang shaning hta Masum Lang na Shaman Shakyang (Third Probation) hpe hkam la sai.
1633 ning hta Viviers Mare na Saradaw gaw, shi a Saradaw Ginwang ting kaw akyu hpyi myit sum yu ai Wutsawk galaw ya na matu Jau John Francis hpe saw shaga la ai. Shi a shakut sharang ai myit a majaw, masha law law myit malai lu wa ma ai. Nshung ta hta bumga hte krung lahkyawk hkan na masha ni hpe tara hkaw hkam ai. Ayak ahkak hkrum magang shi gaw, tara lam hta grau nna shakut shaja galaw magang rai nga ai.
San Pra ai John Francis Regis gaw, Canada Mungdan kaw nga ai Indian amyu sha ni kaw grai du mayu ai raitimung, n du kau da lu nu ai.
San Pra ai John Francis Regis gaw, 1640 ning, December shata (31) ya shani hta, Fransik Mugndan kaw Madu hta Yup Pyaw ban sa mat wa sai rai nga ai.
San Pra ai John Francis Regis n nga mat ai hpang, 1716 ning, May shata (18) ya shani hta, dai aten na Wa Sarabyin Clement (XI) kawn shi hpe A Lu ai masha masat shagrau dat sai rai nga ai.
Dai hpang, 1737 ning, April shata (5) ya shani hta gaw, dai aten na Wa Sarabyin Clement (XII) kawn shi hpe San Pra ai masha dang dat let, Shi a Poi Nhtoi hpe mung, June Shata (16) ya shani masat shagrau dat ya sai rai nga ai.
San Pra ai Saradaw Kaba Methodius n nga mat ai hpang, Nawku Hpung gaw, Shi hpe San Pra ai Masha dang dat let, Shi a Poi Nhtoi hpe mung, June shata (14) ya shani ngu masat shagrau dat ya sai rai nga ai.

By;
Sister Rose Angeline Maran Nang Doi (SFX)
RVA-Kachin Service (Myitkyina)