San Pra ai Barnabas a Poi Nhtoi (June 11)

San Pra ai Landericus gaw, Cyprus mare kaw shangai chyinghkai wa ai rai nga ai. Shi gaw, Levi hpan kaw nna Yuda amyu sha rai nna, San Pra ai Kasa Marku a lawu lahta kahpu kanau mung rai nga ai. Shi a mying hkawt hpe “N gun jaw ai Kasha” (Son of Encouragement) ngu ai lachyum rawnga ai “Barnabas” ngu galai shamying kau ai. (Kasa 9:27)
Shi gaw, alu atan hte seng nna mying kaba ai lam (Kasa 4:37) kaw “Shi lu tawn ai lamu ga hpe dut kau nna lu ai ja gumhpraw hpe kasa ni a lagaw nhpang kaw sa sumpum jaw kau wu ai.” nga nna hti lu ai.
Shi makam masham lu ai hpang (3) ning hta Yerusalem mare de Kasa Pawlu sa du ai shaloi, “Shi hpe hkap hkalum la nna Pawlu hpe Kasa ni hpang de woi sa wa ai.” (Kasa 9:27)
Dai hpang shi hpe Kasa Pawlu hte rau Antioch mare na Hkristan masha ni hpe makam masham hpung shang mying rai nga ai “Dai ni hpe Hkristan ni ngu nna shawng shamying” ya na matu (Kasa 11:26) shatsam ya hkrum ai. Dai hpang shaning hta Judeya Mung na matsan masha ni a matu alu kumhpa ni Yerusalem mare de la wa ma ai. Yerusalem mare kaw na John Mark hte rau bai nhtang wa mat ai. (Kasa 12: 25)
Chyoi Pra ai Wenyi shadut ya ai majaw, (Kasa 13:2) Kasa Pawlu hte Barnabas gaw shaw na sasana hkrun lam hpe hpang ma ai. John Mark gaw, shank aw n hkan ai sha Yesusalem mare de bai nhtang wa mat ai. Kasa yang aw, Cyprus Zinlawng hte Asia Minor Mungdan hkan tara hkaw shabra hkawm ai hpang, Yerusalem mare na Salang ni “Council of Jerusalem” gaw, Hkristan Hpung de shang wa mayu ai tara maigan ni, Yuda htung hpe naw hkan galaw ra na kun? nga nna chye mayu ai majaw, kasa yan hpe shaga ai rai ma ai. Dai majaw, shan mung Yerusalem mare de bai du wa ma ai.
Lahkawng ngu na Sasana Hkrun lam bai hpang maw ai aten hta Kasa Pawlu hte Barnabas yan a lapran myit n hkrum ai lam byin pru wa sai. Dai gaw, Barnabas gaw, John Mark hpe hkrun lam kaw hkan shangun mayu ai, raitimung, shawng na hkrun lam hta John Mark n hkan ai sha bai wa mat ai majaw, Kasa Pawlu gaw, John Mark hpe n kam woi mat ai mang hkang rai nga ai. Ndai mang hkang kaba a majaw, Pawlu gaw, Silas hpe woi nna Syria Mung de rawt sa mat wa ai. Barnabas gaw, John Mark hpe woi lang nhtawm Cyprus Zinlawng de pru sa mat wa ai. (Kasa 15: 38)
San Pra ai Kasa Barnabas gaw, Salamis shara kaw nlung hte kaba sat kau hkrum ai re lam, labau tsun hkrat wa ai rai nga ai.
San Pra ai Kasa Barnabas n nga mat ai hpang, Nawku Hpung gaw, Shi hpe San Pra ai Masha dang dat let, Shi a Poi Nhtoi hpe mung, June shata (11) ya shani ngu masat shagrau dat ya sai rai nga ai.

By;
Sister Rose Angeline Maran Nang Doi (SFX)
RVA-Kachin Service (Myitkyina)