Jau Kaba ngu ai ni gaw Wa Saradaw Hkring mat ai ,shing n rai madu woi la hkrum mat ai nga jang lang ta Wa saradaw dang da hkrum sana kun

: Wa sara daw gaw Jau Kaba Hpe 3 ning hta langai lata da ai 3 ning hpang jau kaba langai bai lata ai Jau Kaba ngu ai ni gaw Wa Saradaw Hkring mat ai ,shing n rai madu woi la hkrum mat ai nga jang lang ta Wa saradaw dang da hkrum sana kun shing n rai jau ni jawm hpawng n na bai lata ra na kun Wa Sarabyin mahtang lata ya na kun chye mayu ai majaw chyeju hte htai ya na matu hpyi shawn dat n ngai Manmaw sara daw gin wang Namlimpa jau aseng maihkawng mare san petru lawk 5 kaw shanu nga ai Jacinta Lahtaw Ja Awng a ga san hpe htai ya na nngai. (about priest as councilars)

Htai: Saradaw tang lu ai gaw Wa Sarabyin sha rai nga ai. Rai ti mung, Wa Sarabyin hku nna Saradaw tang lu na matu, Saradaw tai na Jau ni hpe lata tang shawn ai gaw Local Ordinary Bishop ngu ai dai Saradaw Ginwang Up Saradaw gaw ahkrak dik rai nga ai.

Dai Saradaw woi awn ai hta dai Saradaw Ginwang na Jau ni gaw Saradaw tai gin ai Jau hpe tang shawn da mai ai. Jau ni tang shawn ai Jau ni hpe Saradaw sam maram nna Sarabyin rung de laika mara da ra ai. Kaja wa lata sana rai yang ni nawn ai Saradaw ginwang na Saradaw ni mung sam maram bawng ban lawm ai rai nga ai.

Dai zawn re ai masa lam ni yawng ngut jang Wa Sarabyin kaw nna Saradaw tai na wa hpe hpang jahtum lata san shagrin ya ai hte Saradaw aya tang ai rai nga ai.

Nawku Hpung a tara upadi laika rai nga ai “the Code of Canon Law” laika buk na Can. 375 – 430 gaw Saradaw ni hte seng ai lam ni rai nga ai.

Saradaw ni gaw Kasa ni hte Nawku Hpung Hpa-awn ni a hkinghtawng hpe hkap la, dagraw la ai ni rai nga ai. Hkingjawng magam hte Up Hkang magam ni hpe gun hpai ai ni rai nga ai.

Ginwang Up Saradaw ni gaw asak 75 ning hpring yang, Saradaw ginwang up magam lit kaw nna hkring sa mai nga ai. Lama na Saradaw hta machyi makaw hkrum nna, shing n rai kaga lam lam ma a majaw, n gun yawm wa ai, shing n rai, shi a magam hpe n lu galaw wa ai rai yang, shi a lit magam kaw nna hkring sa laika bang na lit nga ai. De a hpang e she, Sarabyin kaw nna hkap la ya jang, hkring sa ahkang lu ai rai nga ai.

Hkring sa Saradaw ni hpe emeritus Bishop ngu nna shaga ga ai.

A diocesan bishop who has completed his 75th year is requested by canon law to tender his resignation from office to the supreme pontiff. Moreover, if a bishop becomes less able or unable to fulfill his office because of ill health or other grave cause, he is requested to offer his resignation from office. Canon law requests voluntary resignation. The resignation, then, must be accepted by the supreme pontiff.

Saradaw Ginwang Up gaw masum (3) ning rai yang kalang (1), Saradaw shatai na Jau ni hpe Roma na Sarabyin rung de tang madun da ra ai rai nga ai. Dai zawn tang madun ai lam hpe shimlam nga ai hku tang madun ra ai. Tsun mayu ai gaw tang madun ai dai Saradaw gaw kaga kadai hpe mung n mai tsun dan ai (secret).

Saradaw dang hkrum na wa gaw n law htum asak 35 ning rai ra ai rai nna, Jau prat n law htum 5 ning lahta de rai ra ai.

Mying jaw hkrum ai Jau ni gaw mying kaja nga ai ni rai ra ai. Tsun mayu ai gaw Saradaw dang hkrum na wa gaw makam masham ngang kang ai, kaja ai kyang lailen nga ai, akyu hpyi nawku daw jau lam hta shakut ai, sharawng awng ai, wa rai ra ai.

Shi gaw Nawku Hpung hte seng ai hpaji lam ni hta Doctor jan mau, shing n rai, chyum hpaji hte Karai hpaji lam, shing nrai, Conan Law hta licentiate lakmat lu da ai wa rai ra ai rai nna dai lam ni hta hkrak shan shatup ai wa rai ra ai.

A candidate for bishop must be at least 35 years of age and ordained to the priesthood for at least five years. He must enjoy a good reputation; that is, the candidate must be outstanding in faith, good morals, piety, zeal for souls, prudence, wisdom and virtue. Lastly, he must possess a doctorate or licentiate in scripture, theology or canon law … or be expert in these same disciplines.

Saradaw dang hkrum na Jau gaw Sarabyin rung kaw nna ndau ya ai hpang shata masum laman Saradaw shatai hkrum ra ai.

A priest named a bishop is obligated to receive episcopal ordination within three months of the apostolic letter of appointment.

Ginwang Up Saradaw shagu gaw shi hpe ap da ai dai Saradaw Ginwang hte seng ai lam ni hpe manga (5) ning hta kalang Sarabyin rung de tang madun ai lam galaw ra ai. Dai tang madun laika hpe manga ning rai yang kalang ad limina ngu tsun ai Sarabyin hte sa hkrum ai aten du maw na shata kyu (6) jau nna sa da ra ai. Shaning shagu shaning shajup tang madun ai lam hpe mung galaw ra ai.

Every five years each diocesan bishop is bound to make a report to the supreme pontiff on the state of the diocese entrusted to his care. This quinquennial report is to be sent six months before the time set for the ad limina visit. The bishop also forwards an annual statistical report to the Offices of the Secretariat of State.

Sarabyin rung de sa du ai shaloi, Saradaw ni gaw San Peter hte Pawlu hpe lup da ai kaw sa nna hkung ga jaw ai lam hpe mung galaw ra ma ai. Lachyum gaw Saradaw ni gaw shanhte a prat hpe anawng da ai lam ni hpe myit dum na matu rai nga ai.

During the year the diocesan bishop is obligated to submit the quinquennial report to the supreme pontiff, the bishop is to go to Rome personally to venerate the tombs of Peter and Paul and to present himself to the Holy Father.

By Fr. Patrick Gawmaw Hkawng Yae

#rvakachinservice