Lusha gam ai ladaw hta e hpa majaw Madu Yesu a hkum hkrang sumla hpe magap da ai re ai kun? Hpa majaw 5ya shana de sha udang kawan ai lam hpe galaw ai re kun?

San: Tsawra hkungga ai Wajau hteNu mama hte sara/ma ni e ndai lusha gam ai ladaw hta e hpa majaw Madu Yesu a hkum hkrang sumla hpe magap da ai re ai kun? Hpa majaw 5ya shana de sha udang kawan ai lam hpe galaw ai re kun? Nalimpa jau ginwang nalimpa mare kaw nga n na ya aten hta Manmaw AD-2000Camp kaw shanu nga ai Julia Hpau Woi Htoi Bawk a ga san hpe htai ya na nngai. (Liturgy sign of lenten)

• N dai lam hpe chye na na matu Yawhan 8:46 – 59 hpe hti na matu n gun jaw mayu nngai. Yesu Madu Abraham garai n shangai ai kaw nna ngai nga nga ni ai ngu nna Yuda masha ni hte tsun ai. Dai ga na la ai Yuda masha ni shi hpe kabai na nga, lungdin ni hta la ma ai shaloi, Yesu gaw makoi let Nawku Htingnu na pru mat wa ai, ngu rawng nga ai.

Lusha gam ladaw hta chyoi pra sumla ni hpe magap ai gaw shara ni hta hkan aten n bung ai lam nga ai.Shara nkau ni hta gaw Lusha gam ladaw manga (5) ngu na laban shawng shana (kyu ya shana) na Misa galaw maw ai aten kaw nna magap ma ai rai nna, Shara nkau ni hta gaw Chyoi Pra Mali Ya shana Madu Yesu a hpang jahtum daw shapoi Misa hkungga nawng jau ngut ai hpang magap ma ai lam Regina Apostolorum Pontifical University kaw na Professor rai nga ai Wa Jau Edward McNamara htai da ai san htai hta ka da ai hpe mu lu ai.

Shara nkau ni hta nga yang chyoi pra sumla yawng hpe gan htawt sit da ai ma ai. Dai zawn galaw ai shani gaw chyoi pra ai mali ya shani na nawku daw jau lamang ngut ai hpang rai nga ai.

Shaba pu nsam sumpan ni hte sha magap lachyum gaw yawn hkyen ai kumla hpe shadan shadawng ai rai nga ai.

Chyoi Pra ai Manga ya na nawku daw jau lamang ngut ai hpang Chyoi Pra ai Kru ya shana na Paska Misa (Easter Vigil) hpe shajing hpang ai aten kaw nna dai sumpan ni hpe bai gun la kau nna Misa tawn hte rau nawku jawng hpe mawn sumli hpang ma ai.

Ndai chyoi pra ai sumla ni hpe sumpan hte magap ai aten masat ai hpe buga ginra bung ai Saradaw zuphpawng kaba a masat ai hte maren hkan sa na lit nga ai lam mung matsun da ai.

Monsignor Elliott gaw ndai zawn wudang hte chyoi pra sum la ni hpe sumpan hte magap ai gaw Hkristu Madu a Hkyela magam hpe myit maju jung ai hte sumru la lu ai hte kam sham lam hpe grau shangang shakang ya lu ai ngu tsun da ai. (1) Wudang hte chyoi pra sumla ni hpe sumpan hte magap ai kumla gaw anhte ni grai nan ahkyak ai aten de du shang wa saga ai ngu ai hpe shadum ya ai. (2) Ndai zawn magap ai gaw Misa hkungga nawng jau ai aten tsun ai akyu hpyi ga ni hpe grau myit jung ai hte sumru shangun ai. Madu Yesu a nni nkri hkam ai hkrun lam hpe Chyum mungga ni hku nna na la lu hte shingran pra pra mu shangun ai. (3) Madu Yesu hkrung rawt ai Paska lapan de grai ni htep wa sai hpe shadum shangang shakang ya ai. (4) Shut hpyit mara a matu teng man ai myit malai lu gayin wa ai anhte ni mara hta na koi yan ai hpe myit dum shangun ai. (5) Madu Yesu Katsan ga de yu sa wa nna ngarai kaji kaw na wenyi ni hpe woi la ai hpe myit dum shangun ai.

Madu Yesu nni nkri hkam si hkam ai nhtoi masat re ai majaw htuk manu dik, lachyum nga dik re ai majaw wudang kawan nhtoi hpe bat manga ya shani sha-ang masat da ai rai nga ai. Tinang galaw mayu ai rai yang gaw gara nhtoi hta rai tim wudang kawan mai nga ai.

By Fr. Patrick Gawmaw Hkawng Yae

#rvakachinservice

San: Tsawra hkungga ai Wajau hteNu mama hte sara/ma ni e ndai lusha gam ai ladaw hta e hpa majaw Madu Yesu a hkum hkrang sumla hpe magap da ai re ai kun? Hpa majaw 5ya shana de sha udang kawan ai lam hpe galaw ai re kun? Nalimpa jau ginwang nalimpa mare kaw nga n na ya aten hta Manmaw AD-2000Camp kaw shanu nga ai Julia Hpau Woi Htoi Bawk a ga san hpe htai ya na nngai. (Liturgy sign of lenten)

• N dai lam hpe chye na na matu Yawhan 8:46 – 59 hpe hti na matu n gun jaw mayu nngai. Yesu Madu Abraham garai n shangai ai kaw nna ngai nga nga ni ai ngu nna Yuda masha ni hte tsun ai. Dai ga na la ai Yuda masha ni shi hpe kabai na nga, lungdin ni hta la ma ai shaloi, Yesu gaw makoi let Nawku Htingnu na pru mat wa ai, ngu rawng nga ai.

Lusha gam ladaw hta chyoi pra sumla ni hpe magap ai gaw shara ni hta hkan aten n bung ai lam nga ai.Shara nkau ni hta gaw Lusha gam ladaw manga (5) ngu na laban shawng shana (kyu ya shana) na Misa galaw maw ai aten kaw nna magap ma ai rai nna, Shara nkau ni hta gaw Chyoi Pra Mali Ya shana Madu Yesu a hpang jahtum daw shapoi Misa hkungga nawng jau ngut ai hpang magap ma ai lam Regina Apostolorum Pontifical University kaw na Professor rai nga ai Wa Jau Edward McNamara htai da ai san htai hta ka da ai hpe mu lu ai.

Shara nkau ni hta nga yang chyoi pra sumla yawng hpe gan htawt sit da ai ma ai. Dai zawn galaw ai shani gaw chyoi pra ai mali ya shani na nawku daw jau lamang ngut ai hpang rai nga ai.

Shaba pu nsam sumpan ni hte sha magap lachyum gaw yawn hkyen ai kumla hpe shadan shadawng ai rai nga ai.

Chyoi Pra ai Manga ya na nawku daw jau lamang ngut ai hpang Chyoi Pra ai Kru ya shana na Paska Misa (Easter Vigil) hpe shajing hpang ai aten kaw nna dai sumpan ni hpe bai gun la kau nna Misa tawn hte rau nawku jawng hpe mawn sumli hpang ma ai.

Ndai chyoi pra ai sumla ni hpe sumpan hte magap ai aten masat ai hpe buga ginra bung ai Saradaw zuphpawng kaba a masat ai hte maren hkan sa na lit nga ai lam mung matsun da ai.

Monsignor Elliott gaw ndai zawn wudang hte chyoi pra sum la ni hpe sumpan hte magap ai gaw Hkristu Madu a Hkyela magam hpe myit maju jung ai hte sumru la lu ai hte kam sham lam hpe grau shangang shakang ya lu ai ngu tsun da ai. (1) Wudang hte chyoi pra sumla ni hpe sumpan hte magap ai kumla gaw anhte ni grai nan ahkyak ai aten de du shang wa saga ai ngu ai hpe shadum ya ai. (2) Ndai zawn magap ai gaw Misa hkungga nawng jau ai aten tsun ai akyu hpyi ga ni hpe grau myit jung ai hte sumru shangun ai. Madu Yesu a nni nkri hkam ai hkrun lam hpe Chyum mungga ni hku nna na la lu hte shingran pra pra mu shangun ai. (3) Madu Yesu hkrung rawt ai Paska lapan de grai ni htep wa sai hpe shadum shangang shakang ya ai. (4) Shut hpyit mara a matu teng man ai myit malai lu gayin wa ai anhte ni mara hta na koi yan ai hpe myit dum shangun ai. (5) Madu Yesu Katsan ga de yu sa wa nna ngarai kaji kaw na wenyi ni hpe woi la ai hpe myit dum shangun ai.

Madu Yesu nni nkri hkam si hkam ai nhtoi masat re ai majaw htuk manu dik, lachyum nga dik re ai majaw wudang kawan nhtoi hpe bat manga ya shani sha-ang masat da ai rai nga ai. Tinang galaw mayu ai rai yang gaw gara nhtoi hta rai tim wudang kawan mai nga ai.

By Fr. Patrick Gawmaw Hkawng Yae

#rvakachinservice