X’tan masha langai nat jaw ni kaw wa n na machyi kaba hkrum nga ai shaloi n ta masha ni kaw n na shaba wawt ai nat galo ya ai rai tim dai machyi masha wa gaw n chye ai machyi mai yang she chye ai dai hku rai yang mara chye lu wa ai kun? bai n na anhte x’t

San: X’tan masha langai nat jaw ni kaw wa n na machyi kaba hkrum nga ai shaloi n ta masha ni kaw n na shaba wawt ai nat galo ya ai rai tim dai machyi masha wa gaw n chye ai machyi mai yang she chye ai dai hku rai yang mara chye lu wa ai kun? bai n na
anhte x’tan hpung masha ni nat shan sha jang mara chye lu wa ai kun chye mayu ai chyeju hte naw htai ya rit. N-shon jau ginwang Prang Ngawn, Kumsai gahtawng kaw na Roza Lahpai nang Nan a ga san hpe htai ya na nngai. (about nat jaw and faith)

• Hkristan masha langai Nat jaw ai ni kaw wa ai ngu ai gaw, kaning re masa hpe tsun mayu ai re kun gaw hkrak n chye ai. Jinghku masha hku sa nga lawm ai kun, shing n rai, num wa ai hpe tsun ai kun?

Dinghku de ai n re ai sha jinghku masa hku, shing n rai, bungli masa hku nga lawm ai rai yang gaw mara n lu ai ngu tsun mai nga ai. Raitim, hpang de gaw dai zawn n galaw mu ga matu, tinang a makam masham hpe tsun sang lang dan ra ai. Hkristan masha langai mi a matu gaw, Karai Kasang shaje hpe n mai nawku ai. Karai Kasang hte shi hkang da ai lam ni hte n-htan shai ai magam ni n mai galaw ai.

Moral law ngu ai “shinggyim kyang lailen hte seng ai tara” hta “weakness” nchye na shut ai, “Ignorance” chye tim ndum mat ai majaw shut ai, “knowingly” chye nga ninglen shut ai lam ni nga ai.

Shawng na lang gaw n chye ai majaw shut ai rai sa. Raitim, dai n kaja ai re ai hpe, chye ninglen bai galaw ai rai yang, shing n rai, ahkang bai jaw ai rai yang, mara tai nga ai. Ndum na shut ai lang law wa jang, dai shut ai wa a matu tsang shara nga wa ai. Chye ningleng shut ai gaw grau mara kaba nga ai.

Nat jaw shan, sha jang mara lu ai i? gara hku hkam la na sha ai kun? Nang Hkristan masha langai rai nga ninglen, nat hpe hkrit ai majaw, shing n rai, nat hpe nawku ai myit hte sha ai kun? Tinang a myit hta gara hku hkam la na sha ai kun?

Nat hpe nawku ai mung n rai, nat hpe hkrit na mung n rai jang gaw mara n lu ai. Raitim, akyu hpyi na sha ra ai hpe gaw galoi mung dum ra ai. Tinang hkum tinang atsawn sawn dinglik yu ra ai. Hkristan masha langai mi a matu, nat jaw ai malu masha hpe, akyu n hpyi ai sha, sha yang gaw, hkrit tsang shara nga ai. Malu masha lu sha shagu, akyu hpyi nna sha ga. Malu masha sha ngut jang mung chyeju dum akyu hpyi ga tsun ga ngu shi ga madat ni yawng hpe n gun jaw let ga san hpe ndai hte mi htai dat ya lu nngai.