Wa Sarabyin a mungga, Oct 15

Wa Sarabyin Francis a mungga (8 Oct, 2013)

Lk 10:38-42 “Ya shanhte sa wa nga ma yang, kahtawng langai mi de shi shang wu ai: Marhta ngu ai numsha langai mi mung, shi a nta hta shi hpe hkap la wu ai. Dai numsha gaw Mari ngu ai kanau langai mi lu ai: shi gaw dai Madu a lagaw nhpang e dung nga let, shi a ga madat nga ai. Marhta chyawm gaw galaw jaw ai amu law law a majaw myit kyin du nga ai: dai rai nna shi sit sa nhtawm, Madu e, ngai nau gaw galaw jaw ai amu hta ngai hpe hkrai sha rap di da ai hpe, nang hpa n nawn ya n ni? ngai hpe karum na, shi hpe tsun dat ya e, ngu wu ai. Shaloi dai Madu gaw, Marhta, Marhta, nang gaw amu lam law law a majaw myit ru nna tsang nga ndai: rai ti mung, ra grau ai lam gaw langai sha she rai nga ai: Mari gaw kaja ai kumhtaw lata la nu ai rai nna, dai hpe shi kaw na shaw la kau ya lu na n rai, ngu nna shi hpe htan wu ai.”

“Ngai nau gaw galaw jaw ai amu hta ngai hpe hkrai sha rap di da ai hpe, nang hpa n nawn ya n ni? ngai hpe karum na, shi hpe tsun dat ya e” nga nna Madu yesu hpe Martha shawk ai. “Maria gaw kaja ai kumhtaw lata la nu ai rai nna, dai hpe shi kaw nna shaw la kau ya lu na nrai,” ngu nna Madu Yesu htan ya lai wa ai. Dai kaja ai kumhtaw gaw akyu hpyi lam rai nga ai.

Madu Yesu a man hta dung nga nna Madu tsun ai lam ni hpe madat nga ai lam gaw, Martha a matu aten jahtum bungli re, ngu ai masa mu mada nga ai. ratim mung dai gaw kaja ai kumhtaw re ngu nna madu yesu tsun ai. Madu a tsun shaga ai ga ni hpe madat nna Maria a masin salum kaw nna akyu hpyi nga ai lam rai nga ai.

Anhte a prat hta nam bat langai ahkyak madung gaw akyu hpyi ai lam rai nga ai, nga nna anhte yawng hpe mung Madu Yesu tsun nga ai. Akyu hpyi lam ngu nna tsun ai hta, n gup kaw nna ga si law law tsun shapraw nna jawp nga ai lam hpe ngu ai chyawm gaw nrai nga ai. Madu yesu tsun ai akyu hpyi ai lam ngu ai gaw, Madu a mi man hpe sharawt mada yu nna shi Madu tsun ai lam ni hpe madat hkam la nga ai, nchye na ai lam ni hpe shi Madu hpe san yu mahtai tam la ai, lam rai nga ai. Ndai akyu hpyi lam gaw mau hpa lamik kum la ni hpe shabyin lu nga ai.

Nineveh mare masha kaji kaba mahkra akyu hpyi ai, shanhte a nhkru nkaja ai lam ni a majaw shanhte a mare ntsa du pru maw nga ai tsin yam lam kaw nna lawt lu hkra, shanhte a mara ni hpe raw ya na matu, lu sha gam let ja ja akyu hpyi lai wa ma ai majaw, hten bya ai kaw nna shanhte a mare lawt lu sai rai nga ai.

Neneveh mare de Jonah du shang wa ai shaloi “nanhte a nhkru nakaj ai lam ni a majaw nanhte a mare hpe karai kasang jahten kau ya na rai sai” ngu nna Jonah hkaw tsun ai. “Nanhte a nhkru ai lam ni a majaw nanhte hkam la gying ai ari dan rai madai” ngu ai masa Jonah hkaw tsun ai, raitim mung shi hkum nan akyu hpyi ai lam n galaw ai, Karai kasang a raw dat hkyam sa lu la na matu lajin laroi lam shi n galaw lai wa ai. Tara rap ra ai lam shabyin na matu jahtau nga ai wa zawn Jonah galaw ai. Dai re majaw Jonah laika jahtum daw hta, “Jonah gaw mare kaw nna pru wa nna dai shara kaw sum gap let nga ai, dai kaw nna dai mare hta hpa byin wa na dung yu nga ai.” Nineveh mare masha ni shut hpyit tawt lai wa sai the maren mare ntsa tsin yam nshadu ya ai majaw Karai kasang hpe Jonah mara shagun ai, Karai kasang dai hku chyu rai sai, mara chyu raw ya ai, ngu nna karai kasang hpe Jonah put lai wa ai rai nga ai.

Masin salum kata kaw nna kaja wa akyu hpyi ai lam nnga ai sha n gup kaw nna ga si ni law law tsun shapraw nna akyu hpyi ai lam galaw mayu ai gaw, Hkristian ni law law hkrum nga ai agung alau rai nga ai. Kaja ai ning mu nmu mada kam ai, mara raw ya ai lam n galaw kam ai sha, tara ai hte maren je yang ai lam hpe chyu galaw mayu ai gaw anhte hkristian ni hkurm kadup nga ai agung alau nan rai nga ai. Madu yesu tsun ai grau kaja ai hkum htaw hpe lata la na matu hprai kau ai lam rai nga ai.

Anhte akyu nhpyi ga ai rai yang, madu anhte hpang de ndu sa lu ga chying hka ni la pat kau ai hte bung na ga ai. Anhte kaw madu hpa mung nashabyin lu u ga, anhte chying hka la pat kau ga ai. raitim mung, ru yak kyin dut lam ni a lapran, yak hkak mang hkang lam ni a lapran, akyu hpyi ga ai rai yang, Madu anhte hpang de sit shang wa lu u gaw anhte chying hka hpaw la ai lam tai na rai nga ai. Shi Madu du shag wa yang she lam magup hpe madu shi bai gram lai ya na rai nga ai. Hten ru mat sai lam ni hpe gara hku kaning rai bai gram lai la mai lu na ngu ai lam ni hpe madu shi chye dik rai nga ai.

Dai re majaw anhte myit dum nga ra na lam gaw, akyu hpyi ngu ai lam gaw lama ma galaw shabyi ya lu a matu Madu shang bang wa lu hkra, chying hka hpaw la ai lam rai nga ai. Chying hka la pat da ga ai rai yang chyawm gaw madu shi hpa mung galaw ya lu na nrai nga ai.. Grau kaja ai kumhtaw hpe lata la lai wa ai Maria, Madu shang bang wa lu hkra gara hku chying hka hpaw la ra ai ngu ai lam hpe sharin madun ya nga ai Maria a lam hpe sum ru yu nga ga.