Hpan Da Ai Lam A Ladaw Shata Hpang Sai

N dai shata gaw hpan da ai lam a shata rai nga ai. Hkristan hpung masha ni yawng gaw ndai ni Septtember shata kaw nna October shata praw 4 ya du hkra - akyu hpyi ai hte makau grupyin hpe rau jawm makawp maga ai aten ladaw rai nga ai.

Wa Sarabyin Francis anhte ni yawng hpe saw shaga ai hta September shata hta anhte ni yawng gaw makau grupyin hpun kawa ni hpe makawp maga ra ai hpe tsun shadum taw ai re.

Wa Sarabyin kawn September shata hta madung akyu hpyi na matu tsun ai gaw, Mungkan Nhprang Sutrai ni a matu akyu hpyi na lam rai nga ai.

"Mungkan nhprang sut rai ni hpe kashun kashe hpya lu hpya

sha re ai lam n byin u ga, shada garan kachyan, hkungga

manu shadan ai masa byin wa na matu Akyu Hpyi ga"

Hpa majaw i nga yang, ya aten hta anhte ni a makau grupyin gaw n hprang sut rai ni hpe manu n shadan ai sha, hpya lu hpya sha hkungga manu shadan ai lam nnga majaw hten za magang wa taw sai re. Anhte hkap la da ai gaw ndai makau grupyin ni ngu ai gaw anhte shyinggyim masha ni a matu jai lang na matu sha shadu ai hte tingkyeng akyu a matu jai lang taw nga ma ai.

Raitim hpun kawa , du-sat du-myeng makau grupyin ni a manu gaw Karai Kasang kaw na re, shinggyim masha ni kaw na n re law. Dai majaw anhte shinggyim masha ni gaw n dai hpun-kawa du-sat du-myeng ni hpe hkungga la ra chye na matu hte shanhte hpe manu shadan chye na matu shakut ga.

Ya aten hta nang gaw Mungkan ga makau grupyin a matu hpa wa lu galaw ya ai ta?

Anhte a Mungkan ga gaw langai sha rai nga ai. Wa Sarabyin Francis tsun ai gaw - n dai mungkan ga gaw anhte ni yawng a nta rai nga ai. Dai majaw anhte a mungkan ga nta hpe rau jawm makawp maga nga ga.

Text : Fr.Kurt Zion Pala