Wa Sarabyin: Tinang Prat Hpe Ap Nawng Da Ai Tsi Du Ni The Jau Ni A Matu Misa Hkungga Nawng Jau Akyu Hpyi Ya

Wa Sarabyin gaw Paska ladaw (4) ngu na laban, Sagu Rem Wa Kaja, laban Misa Hkungga nawng jau ai hta Tsi Du ni hte Jau ni a matu laklai ai hku akyu ya ai. Italy kaw Jau (100) lahta de, Tsi Du (154) daram, hte mungdan shagu na Jau ni hte Tsi Du law law tinang asak hpe ap nawng let si mat masai. “Sanhte a gatsi kaja ni hpe hkam la hkan sa let anhte ni Karai Kasang a myusha ni hpe lam woi makawp maga nga lu u ga” ngu Wa Sarabyin akyu hpyi ya nga ai.

Karai Kasang a Sagu Rem Wa Kaja hpe myit sumru ai hta “Yesu gaw Sagu Rem Wa Kaja re” ,“Sagu Rem Wa gaw shi a sagu langai hpra hpe chye ai”, “Sagu ni gaw tinang a Sagu Rem Wa hpe chye ma ai” Petru laika langai (2:20-25) hte Yawhan laika (10:1-10) hta na madung da myit sumru da nga ai.

“Karai Kasang gaw nye a Sagu Rem Wa rai nga ai. Ngai hpa mung nra nngai”                   (shakawn kungdawn 23:1)

Sagu Rem Wa Kaja Laban hta Wa Sarabyin Kaja ai hte n’kaja ai nsen hpe ginhka chye hkra shakut ai gaw ahkyak ai re. “Sagu ni mung sagu rem wa a nsen madat ma ai rai nna, shi gaw tinang a sagu ni hpe mying hte shaga nna shinggan de woi shapraw praw di wu ai” Yawhan 10:3 hpe bai sumru let tsun da nga ai. Karai Kasang a nsen gaw anhte a myit masin hta si mani ai hku shaga nga ai; agung alau chyawm gaw n’kaja ai mare ngu ai de woi kadawng bang nga ai.” Masha langai mi hta shi a masin salum hta sa akawk ai nsen lahkawng hpe sam maram yu let kaja ai hpe lata hkan sa ra nga ai.

“Karai Kasang a nsen gaw ahpa atang re ai ngwi pyaw lam sha nre; Dai nsen gaw anhte a tingkyen myit hpe kau da nna, kaja ai hte teng man ai ngwi pyaw simsa lam hpe tam lu ai nsen rai nga ai.” nga nna Wa Sarabyin matut tsun da nga ai.

Dai shani hta sha Mungkan madang hku galaw ai (57) lang na (World Day of Prayer for Vocations) shaga la hkum ai akyu hpyi nhtoi hta Masha shagu Madu Karai a shaga nsen hpe mai ai, hkap la ai ngu tsun gwi mu ga.

Karai kasang a shaga la ai lam gaw shang lawt ai anhte a shinggyim ahkaw ahkang hpe dip da ai lam nre. Dai gaw anhte hpe sharawng da ai nre; dai gaw anhte a matu lit li ai lam n nga ai; lit shatsang ya ai she rai nga ai. Dai gaw Karai Kasang anhte hpe matut mahkai ai; anhte hpe Karai Kasang hte sung grau ai hku matut mahkai la ai lam re” nga nna Wa Sarabyin matut tsun sang lang da nga ai.

“Shaga la hkrum nhtoi shani gaw Madu Karai a shaga la ai hkrum ai hta mai ai ngu tsun gwi na atsam law law nga nga ai. Masha law law pyaw hpa lam hpe madung da tam hkawm nga ai. Dai pyaw hpa lam hpe gara kaw tam hkawm ma ai kun? Madu Yesu tsun nga ai gaw “Ngai kaw wa marit” da” nga nna chyum mungga hpe lakap nna mung anhte hpe lam madun da nga ai.

Shaga la hkrum ai hta hkawm sa nga ai ni gaw mungkan ra marin ai lam yawng hpe koi yan shakut nna, shaga la hkrum ai hta tsawra sharawng ai myit bang let hkawm sa nga ma ai nga nna Wa Sarabyin tsun shadum lai wa ai.

Wa Sarabyin Francis gaw“Jau aya hkam la na matu nga sharawng awng ai, dai gaw ngai na matu shaga la hkrum ai labau maumwi re” nga nna sakse hkam da nga ai. Shaga la hkrum ai ni gaw daw jau na matu shadut shadum hkrum ai majaw re; shaga la hkrum ai hta myit manoi nga ra ai lam ni hpe mung matut tsun da nga ai. Mungkan madang hku galaw ai (57) lang na (World Day of Prayer for Vocations) shaga la hkum ai akyu hpyi nhtoi hta Masha sagu Madu Karai a shaga nsen hpe mai ai, hkap la ai ngu tsun gwi mu ga yaw shada let Vatican shiga dap kawn ndau shana da nga ai.

https://www.vaticannews.va/en/pope-francis/mass-casa-santa-marta/2020-05/pope-homily-doctors-priests-shepherd-pastor.html

https://www.vaticannews.va/en/church/news/2020-05/vocations-sunday-the-courage-to-say-yes-to-god-s-call.html