Asak Hkrung A Ja Chyum Mungga Hpe Hti Sumru Kyu Hpyi Nna Prat Hpe Shading Sharai La Nga Ga

Karai Kasang a Mungga - 2.4.2020 (Bat 4 ya)

2 April 2020 (bat 4 ya) shani na Missa hkungga hta Wajau John Galang La Raw htawn tsun ai Mungga hpe laksan bai mara dat ai.

#MUNGGA_KRI_MADUNG

" Nye a Mungga hpe hkan nang ai wa kadai mung si hkrung si htan n hkrum na re" #Yawhan 8:51-59

'Mungkan masha ni hkrit ra ai gaw Nuclear bawm laknak n re, ya na zawn re ai langai hte langai kap bra chye ai Yawga 'ana' zin li re nga nna hpaji ninghkring ni lai wa sai 6 ning tau hkrau nna tsun da ma ai.

Ya byin ai Ana mung, Karai Kasang galaw ai re.Anhte a mara a matu dam jaw ai re ngu nna mai tsun nga ai.

Hpang jahtum nhtoi du wa sai nga nna shada da jahkrit shama hkaw tsun ai lam hpe n mai galaw ai.Madu Yesu gaw "Mungkan htum na nhtoi ngai n chye ai" nga nna #Mahte 24:36 hta tsun da ai.

Dai ni hpa majaw ndai zawn ana zinli byin wa ai ngu hpe anhte Mungkan masha ni yawng jawm pawng let mahtai tam ra nga ai.

Ya ten anhte a shut kau ai lam ni hpe sharai nna hkawm sa ai lam nnga ai rai yang grau sawng ai ana zinli ni langai hpang langai gale wa na teng sha re.

Corona Virus a majaw n-ta rawng nga ai (Home quarantine) ten hta facebook hkrai mayut nga ai nre sha, Karai a asak hkrung ai Ja Chyum Mungga hpe hti sumru kyu hpyi nna, anhte a prat hpe shading sharai la nga ga.