Wa Jau Paul Wanghte Lum Dau A N-gun Jaw Mungga

Ya ten, Covid -19 Ana Zinli A Majaw, Myit Ru Myit Tsang Hkrum Nga Ai Ni, Bai Mung Masa Lam A Majaw , Hpyen Yen Tsin Yam Hkrum Sha Nga Ai Nu Wa Hpu Nau Ni Yawng Hte, Myit Daw Myit Kaji Nga Ai Hpu Nau Ni Hpang De

Mungga : Wa Jau Paul Wanghte Lum Dau

Kasa Pawlu n gun jaw da ai: Madu Yesu hpe chye chyang tsawra lu ai hta, shadawn nmai hkra grau ai Yesu a Tsawra myit a majaw, kade hkrit tsang hpa rai rai, hkum hkrang myit masin matsan mayan hkrum ai, machyi hkrum ai mi rai rai, Madu Yesu anhte hpe tsawra myit a majaw, kaning re ai mayak mang hkang hte, tsinyam hpe raitim, tup hkrak awng dang lu ai, ngu ai lam re.

Chyum Daw : Rom 8: 35

Shani shagu na mayak mahkak ni, hkrit tsang hpa law law a majaw, Lani mi na myit tu myit tsang lam ni hpe tawt lai lu na nloi nga ai

Naku mi a matu, myit ru myit tsang ai madang sha raitim nkau mi a matu gaw, ru yak shoi chyum hkrum sha nga ma ai.