Wa Jau Patrick Gawmaw Hkawng Yae A Dai Ni Na Mungga ( 30.6.2020 )

Hkang Hkri a shabam ai nseng ni ai shaloi Karai Kasang myihtoi ni pyi hkrit kajawng ma ai. Kasa ni mung Madu Yesu hte rau hka li kata rau jawn ma ai rai tim, nbung laru kaba wa ai majaw, hkalen ni dai li hpe ka-up wa ai rai nna lup mat magam mat ma ai. Anhte a nang mak law hpa ai a majaw shut hpyit mara a majaw shingra tara hpyen rai nga ai laru kaba ai, hkalen kaba ai chyam bra ana zawn re ai yubak hpe hkam sha ra nga ai. Dai zawn aten ni hta anhte a Karai Kasang hpe "Madu e, Hkye la rit ngu kamhpa myit kaba hte hpyi nem nga ga.