Shani Shagu Na Karai Kasang a Mungga ( 27.5.2019)

Yawhan 15:26-27, 16:1-4

²⁶ Nye Wa kaw nna, nanhte hpang de ngai shangun dat ya na ring ngai, Shalan Shabran ai wa ngu ai, Wa kaw nna pru sa ai teng man ai a Wenyi du jang, shi gaw nye a lam sakse hkam ya na ra ai. ²⁷ Nanhte mung, shawng nnan kaw nna ngai hte rau nga ma nit dai majaw, sakse hkam nga myit dai.. ¹ Nanhte myit kataw shara n nga ma lit ga, ngu nna she, ndai lam ngai nanhte hpe tsun da ma de ai. ² Shanhte gaw tara jawng ni hta nna, nanhte hpe shapraw kau na ma ra ai: gaja wa nan, nanhte hpe sat kau lu ai wa kadai mung, Karai Kasang a magam hpe gun hpai nngai, nga nna myit la ai aten du wa ra ai. ³ Shanhte gaw nye Wa hpe mung, ngai hpe mung n chye ma ai majaw, shing di na ma ra ai. ⁴ Rai ti mung, shanhte a nhtoi du ai shaloi, ngai nanhte hpe ning ngu tsun hkap da sai gaw, nanhte dum lu myit ga, ngu nna ga ndai ngai nanhte hpe tsun nngai: shawng de gaw ngai nanhte hte rau naw nga nngai majaw, ngai nanhte hpe ning ngu n tsun yu nngai.