ROMA MARE E CHYOI PRA AI MARIA A NAWKU HTINGNU KABA HPE SHAMAN AI POI NHTOI

431 shaning, Ephesus Council hta Yesu a Kanu hpe “Karai a Kanu,” ngu ai amyit hking htawng jaw masat da ai. Dai ten kaw nna “Karai a Kanu” hpe hkungga shagrau nna, Karai Kasang hpe nawku daw jau na matu Roma mare, Esquiline Bum ntsa kaw aten kadun laman St. Mary Major Nawku Htingnu kaba hpe gaw gap da ai rai nna, Dai Nawku Htingnu kaba shaman poi nhtoi hpe August 5 hta masat da ai. Ndai Nawku Htingnu gaw Sinna mungdan hta labau shang jau dik ai aten kaw gaw gap da ai Nawku Htingnu langai tai wa ai.

Ntsa lam sha sumru yang “Karai a Kanu” ngu ai amying hking htawng jaw ai lam gaw shinggyim laklai hpaji ladat langai mi hte sha shamying da ai zawn raitim, Yesu Hkristu hpe teng man ai “Karai atai, Masha atai” hku hkap la kam sham ai hpe madung shadan shalen shadan shadawng ai rai nga ai.

Yesu Hkristu gaw masha teng teng rai nga ai zawn, Karai Kasang mung teng teng rai nga ai.

Yes Hkritu gaw Karai Kasang teng teng rai nga ai zawn, Masha teng teng mung rai nga ai.

(Council of Ehpesus, 431)

By Fr. Patrick Gawmaw Hkawng Yae