Nu Maria hpe lamu mungdan de dai hku Asak hkrung let, woi shalun la ai nga re ai kun?

1. San:【 1 】Chyoi Pra ai Nu Maria asak kade ning du hkra mungkan mungdan kaw nga ai kun?【 2 】Nu Maria hpe lamu mungdan de dai hku chyahkrung nan woi shalun la ai nga re ai kun?【 3 】Nu Maria hpe mahtan la sai Yawsep gaw kade ning du hkra a sak galu ai kun ?【 4 】Yesu, Nu Maria hte Yawsep shan hte rau nga ai ten hta Chyoi Pra ai Kahtawlik nawku makam masham hte sha nga lai wa ai kun? Ya ten miwa gumsan shan dung kaw du nga ai cecilia dashi maimai hte Easter Dashi hkawn yan a ga san hpe htai ya na nngai.
2. Chyoi Pra ai Nu Maria Asak kade ning du hkra mungkan ga kaw nga lai wa ai gaw kadai mung hkrak n chye kau dat ai rai nga ai.
3.  

Thebes na Hyppolitus tsun ai gaw Madu Yesu wudang ntsa jan noi si hkam ai hpang 11 ning du hkra naw nga ai ngu ka da ai. Si ai shaning gaw AD 41 shaning ang ai rai nga ai. (He mentions Mary being in Jerusalem not long after the crucifixion. The other possibilities are either that she went home to Nazareth and went to live with family there, or she went to Ephesus and lived with the "beloved disciple" who's mentioned in John's gospel.)

Madu Yesu si ai hpang, Nu Maria gara kaw nga jahtum da ai kun? Jerusalem kaw nga ai ngu mung tsun ma ai. Bai, maibyin ai lam langai gaw shi a nta nga ai Nazareth de bai wa nna shi a n ta masha ni hte rau nga ai, shing n rai, Ehpesus kaw Madu Yesu a tsaw ra dik ai Kasa Yawhan hte rau nga ai mung mai byin ai ngu ka da ma ai. Gara kaw nga jahtum kau dai hpe hkrak tsun lu ai lam gaw nnga ai.

Nu Maria hpe Lamu Mungdan de asak hkrung let shalun la hkrum ai gaw Kahtawlik Nawku Hpung a Dogma ngu ai makam hte seng ai sharin shaga lam kaba langai rai nga ai. Ndai sharin shaga ai lam hpe Wa Sarabyin Pius XII kawn, 1950 shaning, November langai (1) ya shani hta shagrin dat ai lam labau hta rawng nga ai.

Ndai makam hpe Kahtawlik nawku hpung hte rau Eastern Orthodox Churches, Oriental Orthodoxy, Church of the East hte Anglo-Catholic Churches ni mung kam ai lam chye lu ai.

San Yawsep mung kade ning du hkra nga lai wa ai lam hkrak gaw kadai n chye kau dat ai.

Sumru nna tak da ai lam ni gaw nga ma ai. Maria hpe hkungran la ai hpang, Madu Yesu a asak 18 daram aten hkan n nga mat ai rai na re ngu ka da ma ai. Shi a asak gaw 111 ning ram rai na re ngu sumru da ma ai. Rai tim, ndai jaw ai ngu kadai mung hkrak n tsun lu ai.

Yesu, Maria, Yawsep kun dinghku nga ai aten hta Kahtawlik Nawku hpung ngu ai mying n nga shi ai. Hkristan ngu ai mung n nga shi ai. Yuda makam gaw nga nga sai rai nga ai. Yuda makam ngu ai gaw Ga Shaka dingsa a sharin shaga ai lam ni hpe tsun ai rai nga ai.

Kahtawlik Nawku Hpung ngu ai gaw “Universal Church” N-gawn tawa hte seng ai, shing n rai, Mungkan ting hte seng ai Nawku Hpung ngu ai lachyum rai nga ai. Madu Yesu a hpang hkan ai Kasa ni kaw na yu hkrat wa ai Makam masham hpe hkap la ai nawku hpung rai nga ai.