Miwa Mung Hta, Hkristan Hpung Ni Yawng Hta Na Kadai Shawng Sasana Shang Ai Rai Kun ?

 Miwa mung ting hta manang hpung ni hte anhte hpung ni Kadai shawng Sasana shawng shang ai rai kun? Bai na ya Miwa mung htin chun ko gaw anhte hpung ni a nawku jawng nnga ai, hpa majaw, nawku jawng nnga ai lam ni hpe myit kalu kalang hte htai ya rit ngu gasan san dat lu nngai. Manmaw Sara daw Ginwang Namlimpa Jau aseng Munghkawng Mare Lawk Masat { 5 } Ya Miwa Mung htin chun kaw nga ai ,Cecilia Lahpai Kumbou Bawk ja . (Mission in China)

Htai: Miwa mung de Kahtawlik Sasana shang hpang ai gaw tsa ban shi masum (13) aten hta re ai lam chye lu ai. Italy na Franciscan Jau langai mi rai nga ai, Montecorvino na Yawhan (John) gaw Beijing (Khanbalik) de 1294 hta; bai, 1312 shaning hta Franciscan Saradaw masum (3) mung dai Jau Yawhan hpe garum na matu Roma kaw nna sa du ma ai lam labau hta rawng nga ai. Jau Yawhan si ai 1328 shaning du hkra shi hte rau nga nga ma ai lam labau hta rawng nga ai.

Missionary priests of the Latin Catholic Church in Europe are first recorded to have entered China in the 13th century. The Italian Franciscan priest John of Montecorvino arrived in Beijing (Khanbalik) in 1294. ... In 1312 three more Franciscan bishops arrived from Rome to aid John until his death in 1328.

1949 shaning kaw nna Communist Party mung masa lam a majaw Kahtawlik, Orthodox hte Protestan Sasana Hpung ni yawng Miwa mung kaw nna gawt shale kau hkrum lai wa ai.

Kahtawlik Sasana bai n htang mat wa ra ai rai tim, Miwa mung masha ni hta na buga Saradaw, jau, mama, tarahkaw sara ni law law nga nga sai rai nga ai. Dai majaw 1957 shaning hta, Miwa Asuya kaw nna Chinese Patriotic Catholic Association hpe masat ya let, Roma na Sarabyin hte matut mahkai ai lam hpe gaw pat shing dang da ya ma ai.

2018 shaning kaw nna she Wa Sarabyin hte tara shang matut mahkai galaw mai ai lam hpaw ya nna, Wa Sarabyin a matsun n pu e hkawm sa mai ai lam hpe mung hpaw ya ai rai nga ai.

Internet kaw sawk sagawn lu ai hte hpe tsun dan ai rai nngai.

Orthodox sasana gaw Russian hte Miwa shada hting ram ai lam bai lu wa ai 1713 shaning hta archimandrite jau ni Beijing de sa ai sut hpaga hpung ni hta lawm wa ai lam chye lu ai. Sasana mying hte shawng nnan shang hpang ai gaw 1715 shaning hta Beijing kaw shang hpang ai rai nga ai.

Protestant Sasana gaw 1809 shaning hpang de re lam ka da ma ai.

By Fr. Patrick Gawmaw Hkawng Yae

#rvakachinservice