Minla Shaga Ai Lam

Numla shaga ai

Dai ni lamang hta Lucia Lmau Hkawn Lum a ga san hpe htai ya na nngai. Ga san: Ma ni rai rai masha kaba rai rai kajawng kaja hkrum nna numla dam ai nga nna numla shaga ai lam ni galaw nga ai hpe mu lu ai. Mara lu na kun?

Madu Yesu Hkristu grai n du sa shi ai shaloi gas haka ding sa hta KK gaw  shingyim masha ni hpe mayak mang hkang hkrum ai shaloi mahtai tam ai hta yup mang hpe htai ai, si mat boi sai ni a myenla  wenyi hpe shaga nna san garum hpyi ai, ndai zawn re ai masa galaw ai lam hku nna KK mahtai jaw lai wa ai.

Bai nat sara ni a garum the mahtai tam ma ai.

Dai ni na ten hta anhte a Madu Yesu Hkristu hta mahtai yawng gaw shi hta rai nga ai. Madu Yesu Christu hta yawng mayawng chyoi pra hkum tsup sai hpe anhte Christian ni kam sham nga ga ai.

Karai Kasang a Tara Kanu Lam Shi numbat langai ngu nah ta Ngai gaw na KK rai nga ai kaga ngai hta lai nna kadai hpe mung hkum naw hkum ku et nga nna rawng ai. Dai majaw KK hta lai nna mungkan ga na masha arung arai ni wenyi shaje ni hpe nmai nawku ai. Makam masha lam she shang ai nmai galaw ai hpe hkang da ai lam rai nga ai.

Karai Kasang hpe sha kam sham nna shi matsun ai the maren nga sa sak hkrung ra ai lam rai nga ai. Myihtoi Esaia a laika 8:19-20 hta nat galaw myen la shaga ai lam nmai galaw ai hpe tsun tawn da ai. Langai Samuel a laika daw kaba 28 hta na  mabyin hta Israela amyu masha ni hpe laba n'gun hta hpyen ni rai nga ai Hpilistine ni gaw htim gasat ai. Gara hku mung ninghkap nlu dang na masa nnga majan sum a ten hta Israela hkaw hkam Sawlu gaw simat sai Myithoi Samuel a wenyi hpe Endor mare na hpawmi langai hpe garum hpyi nna shaga ai. Myihtoi Samuela a wenyi hkawhkam Sawlu hpe tsun ai. Katsan ga de du ai wa hpe shatsang taw nga ai kun, hpawt ni majan hta Hkawhkam Sawlu the shi a hpeyn ni hpe Hpilistine ni kasat dang kau nna shanhte yawng myihtoi wa the rau katsan ga the shi the rau rai na rre nga nna tsun ai. Ndai zawn Karai Kasang hta lai nna kaga chye machye hkrup ai hku ai galaw ai shaloi mai kaja ai mahtai nre ai sha grau pyi hkrat sum shangun ai lam rai nga ai,

Catholic Hpung masha ni gaw Kashin Kamun Sacramentu chyeju kumla hpe hkam la ai shaloi ga sadi gas haka tawn ai hpe tsun shapraw yin la rag a ai.

Kawa Karai Kasang, hkyehkrang la wa Madu Yesu Christu, Chyipra ai Wenyi hpe tinang a myit masin n'gun mahkra chye chyang ai lam ma hkra the kma sham na ngu ai gas haka tawn ai.

Nat the shi a amu mahkra hpe tawn kau na, shut hpyit mara hpe koi yen kau na, Nawku hpung sharin shaga ai hpe nshut nshai hkan shatup na nga nna ga sadi gasha tawn da ai.

Lumen Gnetium ngu ai Vatican zup hpawng numbat 2 na sharing a ai matsun laika numbat 16 hta anhte a Madu Yesu Christu gaw shinggyim masha yawng a nhtoi the hkum sup ai madu rai nga ai hpe matsun sharin da ai.

Ad Gentes ngu ai Vatican zup hpawng 2 a matsun sharin laika hta Madu Yesu a hkyehkrang la ai magam bungli gaw shingyim masha yawng a matu re lam hpe sharin matsun da ai.

Catholic Naw Hpung a Tara sharin laika Catechism of the Catholic numbat 1212 kaw nna 1284 hta sharin matsun ai lam gaw Madu Christu a chyeju ningsang gaw shingyim masha yawng chyoipra hkumtsup na matu chyeju jaw ya ai. Dai majaw Madu Yesu a hkyehkrang la ai lam hta lai nna kaga lam she shang ai magam bungli ni hpe nmai galaw ai hpe matsun da ai.

Ndai zawn makam masham the nhtai shai ai lam ni hpe hkan galaw ai shaloi akyu lu la na malai hkrat sum ai lam, hten za ai lam, hpe grau byin shangun ai lam hpe Israel hkawhkam Sawlu a mabyin hta mu lu nga ai.

Ndai zawn kajawng kaja byin hkrum ai shaloi galaw mai lam ni hpe mung gam garan lu nngai.

1. Kajawng kaja byin hkrum ai wa a matu akyu hpyi ya na.

2. Kajawng kaja hkrum katut ai shara kaw sa nna Wa Jau ni shing nrai sara ni chye chyang ai salang hpung masha ni sa akyu hpyi shaman na.

3. Awu asin marawng nga ai, chayhkring hkring kajawng kaja hkrum ai shara ni hpe Wa Jau ni Sara ni chye chyang ai hpung myitsu kanu kawa ni hpung masha ni the rau akyu hpyi shaman shaman ntsin lapri akyu hpyi na.

4. Hkawm sa hkawm wa bu hkawm na ten, ahkyak ai magam bungli ni hpe shachyen shaja wan a rai yang, Karai Kasang kaw akyu hpyi nna shaman hkam la ai the bu hkawm na, magam ungli glaw hpang na

          Ndai lam ni hpe hkan galaw mai nga ai. Numla shaga ai, the kaga shut ai lam ni hpe koi gam let tinang a makam masham hpe manu shadan let Karai Kasang hpe sadi dung let sak hkrung nga ga.

Ndai the the Shadau Jau Ginwang Shadau mare lawk 2 na Lucia Lamau Hkawn Lum a ga san hpe htai dat ya lu nngai.