Ma Ma ni langai ngai gaw gawngsawng A chyang gup Ma Ma ni langai ngai gaw gawngsawng A hpraw gup ai lachyum A tsawm n chye ai majaw chyeju hte naw htai ya rit?”

1. San: Jau tai na num la na nga mat ai jau ni si mat wa ai sani gara hku makoi mayang ma ai kun?.chye mayu ai. Lashu Sara Daw Gin Wang Mung Ji Jau Ahseng ko na ya Mai Ja Yang ko du nga ai Rosa Maran Htang Ra a ga san hpe htai ya na nngai. (funeral)
2. Jau htak mat ai ai wa num la na nga mat ai mi rai rai, num n la ai mi rai rai, shi si mat wa ai shani hpung masha langai mi hku sha makoi mayam ai rai nga ai. Jau htak mat ai hte hpung mung htak mat ai rai yang gaw, shi kam sham ai hpung a makam hku lup makoi mayam na rai ma ai ngu kadun ai hku mahtai jaw dat n ngai.

1. San: Zau bung jau a Seng manwing San Petrik naw ku jawng pungling dinghkru mare na ya ten myiwa mung Fujen kaw nga nga ai Teresa Maji Hkawn Nan a ga san “Wa jau e Ma Ma ni lang ai gawngsawng A hpraw hte A chyang lachyum a tsawm n chye ai majaw San mayu ai .Wa jau e Ma Ma ni langai ngai gaw gawngsawng A chyang gup Ma Ma ni langai ngai gaw gawngsawng A hpraw gup ai lachyum A tsawm n chye ai majaw chyeju hte naw htai ya rit?” (meaning of nun’s veil)

Htai: Ma Ma ni a baw hta magap ai gawngsawng hpe english ga hku “veil” ngu shamying ma ai. Dai “veil” hpe english dictionary hta “a piece of fine material worn by women to protect or conceal the face. Lachyum gaw num sha ni a myi man hpe makawp maga na matu hte magap ai sumpan, shing nrai hpajat ngu ai rai nga ai. Bai English hku “a piece of fabric forming part of a nun's headdress, resting on the head and shoulders” ngu mung ka da ai. Lachyum gaw ma ma ni a baw hte lahpa hpe hpe magap shatsawm sumpan ngu ai lachyum rai nga ai. Bai a thing that conceals, disguises, or obscures something. Yuda masha ni a htung lai hta gaw english hku “the piece of precious cloth separating the sanctuary from the body of the Temple or the Tabernacle” ngu tsun da ai. Lachyum gaw Nawku tawn hte tawng hkungri kaw nna garan da ai sumpan ngu ai lachyum rai nga ai. Veil ngu ai gawngsawng hpe num sha ni a baw hta dagraw da ai lachyum gaw shagrit shanem ai, madat mara ai ngu ai lachyum hpe shadan shalen ai rai nga ai. (naw jat ka ra ai)

1. San:（1）Madu yesu a hkrang bung sumla, [Hkrang mu nsen na sumla hkrung =video] hpe wa sara byin kade a prat hte A.D kade ning hta kayet da ai kun? kade ning na hkra kayet ai kun? （2）Mdu yesu tai ai wa gaw kaning nga mying ai wa kun? Yesu galo ai wa gaw sumla kayet ngut ai hte si mat wa ai nga ai gaw teng re kun?, Waimaw jau ginwang Maga Yang hpyen yen hta nga lai wa nna, ya ten maimaw maina RC hpyen yen camp hta shanu nga ai Yawhan Shawle marip La Nu a ga san hpe htai ya na nngai.
   (history about film of Jesus)

Htai: Madu Yesu a lam Video hkrang mu sumla hkrung hpe shawng nnan kayat wa gaw Robert Henderson-Bland (10 March 1876 – 20 August 1941) rai nga ai. Shi gaw english sumla hkrung shadang hte ga shagawp sara re lam chye lu ai. Sumla hkrung mying gaw “From the Manger to the Cross” ngu ai rai nna 1912 shaning Director Sidney Olcott ngu ai wa kayat da ai re lam chye lu ai.

Yesu a lam vedio kayat ai hta mying dan hkrung dik sumla hkrung shadang gaw Robert Powell re ai lam chye lu ai. Shi gaw Britain na comedian re lam lam chye lu ai. Kayat ai aten gaw 1977 hta re ai lam chye lu ai.

Shi hte san htai galaw ai hta “Ngai Yesu n rai nngai, ngai hpe hkum nawku mu! Ngai gaw sumla hkrung hta hkrang shala ai wa langai sha rai nngai” ngu tsun da ai.

Shi gaw London kaw shi a madu jan Babs hte rau nga nga ai re lam website kaw ka da ai. Kasha lahkawng lu ai ra nna, kashu langai lu sai lam 2018 June 17 shani na she hte seng ai matsing hta rawng ai hpe garan kachyan dat lu nngai.

By Fr. Patrick Gawmaw Hkawng Yae

#rvakachinservice