KARAI KASANG A MUNGGA (Homily) DU SA LADAW LABAN ( I ) 2023

KARAI KASANG A MUNGGA (Homily)

DU SA LADAW LABAN ( I ) 2023

Hpawt ni Laban gaw Du sa ladaw hta laban ( I ) rai nga ai.Ndai Laban hta sadi maja ai hte ala dingda nga mu ngu ai ga si hpe myit dum nna hkan sa na matu saw shaga nga ai.

Anhte hkum sai shan lam hte san seng ai lam hta gawngkya lam hpe myit dum nna tawt lai lu na matu lam mahkrun ni hpe tam nna nga sa ai lam ni gaw sadi maja ai hte ala dingda nga ai lam re

Kahtawlik nawku hpung a Nawku daw jau ai shaning gaw Adventu ngu na ndai DU SA LADAW LABAN langai kaw nna hpang ai rai nga ai.DU SA LADAW gaw Laban bat (4) nga ai.Ndai DU SA LADAW laman hta anhte Hkristan hpung masha ni gaw ndai mungkan ga de du sa wa na Madu Yesu Karai Kasang a lam yan lahkawng hpe kabu gara ala dingda nga ai ni mung rai nga ai.

Lam yan langai gaw Chyoi Pra Nu Maria a hkritung hta Na-um Na-sin rai nna masha hkum hkrang hpe sa dagraw hkam la let Hkristmas ngu na poi shani hta shanngai chyinghkai wa na lam rai nga ai.

Lahkawng ngu na DU SA WA na lam yan gaw hpang jahtum ngu nhtoi shani hta byin wa na lam yan rai nga ai.Dai ten hta si ai hte hkrung ai ni hpe Jeyang dawdan na matu Hpung Shingkang hte nawng du wa sa na lam rai nga ai.

 

Add new comment

4 + 1 =