Kanu Langai A Tsawra Myit Zawn Matsan Madum Lama Ai Madu Yesu A Tsawra Myit

Covid ana zinli ngu ai li la ai kan dang hpe anhte hpai nga ai shata 4 jan rai wa saga ai. Shani chying tung hta nsin chyip rai mat ai zawn ndai covid ana zinli gaw shinggyim masha ni hpe ja ja nji nmu hkrum shangun nga ai.

 Lai wa sai lahkawng masum ya hta mung Hpakant ginra hta lung seng nhkun gyi run bun nna masha 200 jan a kajawng sha kaput sat kau hkrum lam byin lai wa sai majaw Wa E,Wa E,nang ngai hpe hpa rai kau da nta? Nga nna Udang ntsa kaw nna Madu Yesu jahtau lai wa ai zawn sha anhte mung myit htum myit si jahtau nga ga ai aten, hkyi ba la nna lit li gun ai ni yawng hte e ngai kaw wa marit,ngai nanhte hpe ban sa shangun na made ai,ngai gaw myit sumnung ai hte myit gyip nga nngai rai nna nye a kan dang hpe hpai mu,nye a lam sharin la mu,dai rai yang nanhte a myit masin ban sa ai hkrum na malit dai,nga nna Madu Yesu anhte hpe tsun nga ai.