Kabu Gara Shiga Htawn Tsun Ai Magam Bungli A Matu Prat Dep Matut Mahkai Ladat Ni Hpe Lang Ai Lam Rai Nga Ai

Cardinal Charles Maung Bo, SDB

 

“RVA Mobile Application hpe Karai Kasang a myusha ni rai nga ai hpu nau ni hpang de shachyen shabra ya lu ai majaw grai kabu nngai.

 

Ndai Mobile Application gaw Asia dan hte mungkan ting na Karai  Kasang a kashu kasha ni yawng matu rai nga ai.

 

Madu Yesu Hkristu a shang lawt ai tsaw ra myit hte Kabu Gara Shiga rai nga ai teng man asak Madu a lam hpe mungkan masha ni kaw gat hkai bang ya ai lamang ni hpe ndai Mobile Application matut mahkai lam yan hku nna kaja grau ai ladat hku galaw ai ai lam rai nga ai.

 

Saradaw ni, Jau ni, Sasana wuhpung ni hta shang  gawlaw nga ai hkungga ai hpu nau ni yawng ndai RVA Mobile Application hpe download galaw la lang nna tinang a Wenyi lam hta manang shatai la let masha shagu hpe mung anhte a sagu rem magam lam hte Kabu Gara Shiga hpe na la lu u ga matu garan kacyan sa wa ga ngu saw shaga mayu nngai.

 

San Yawhan XXIII gaw shi sak naw hkrung ten hta Sagu rem wa kaja “Wa Sarabyin Yawhan XIII” (hkun langai) ngu nna mying danhkrung lai wa sai rai nna, ya dai ni na aten hta mung shi hpe San Pra masha tang da let akyu hpyi htinglu htinglai hkam la nga ga ai.

 

Ya, anhte, hpu nau ni hpang de shachyan dat ya ai RVA Mobile Application gaw Wa Sarabyin Yawhan XXIII hpang da ai apu asi ngu tsun mai ga ai. Hpa majaw nga yang Sarabyin Rung kaw nna masat shagring ya ai atsam kaba hte RVA Shiga Shapoi Dap hpe galaw hpaw hpang woi ai Wa Sarabyin rai nga ai.

 

Ndai Mobile App hpaw poi lamang hpe dai ni San Yawhan XXIII a Feast Day Poi nhtoi ang ai shani galaw ai re majaw Wa Sarabyin Yawhan XXIII (ST. JOHN XXIII, POPE) mung kabu ai hte anhte a akyu hpyi ga ni hpe na ya na re.

 

Ndai Mobile Application gaw Madu a kabu gara shiga hpe Karai a amyu ni hpe na la shangun ai prat dep tara hkaw sara langai zawn rai nga ai. Madu a kabu gara shiga htawn tsun ai sasana galaw ai magam bungli a  matu anhte ni prat dep matut mahkai ladat ni hpe lang ai lam rai nga ai”

 

Thomas

Add new comment

3 + 9 =