Dum N'ta Hkan Chyoipr Hkum Mai Tawn Da Ai Kun? Mai Sin Ai Kun?

Ga San : Nta hkan Chyoipra ai hkum hpe mai da ai kun? N'ta kaw Chyoipra ai hkum mai sin ai kun?

N'dai Ga san hpe htai yang asan sha shawng n'nan htai ya mayu ai gaw n'mai ai ngu ai hpe htai ya n'ngai.

Nawku Hpung a Canon Law Upidi Rit kawp Tara numbat 934 Daw langai hte lahkawng hta asan sha matsun da ai. Daw Kaji langai

1. Chyoipra ai hkum hpe saradaw Ginwang Ginjaw Nawku Htingu Cathedral, Jau Ginwang Ginjaw Nawku Htingu, Jau Ginwang Kata e nga ai Kaji, Mama hte Brother ni nga ai Nawku Jawng hkan sha mai tawn da ai.
2. Wa saradaw shanu nga ai n'ta Nawku Jawng Kaji, wa saradaw a ahkang hte Hpung masha ni Nawku Hpawng Missa Hkungga nawng ai Nawku Jawng, Jau Tai Jawng, Mama Tai Jawng, Tara Hkaw sara jawng ni hkan mai tawn ai.

Canon numbat 934 Daw Kaba Lahkawng hta chyoipra dik htum ai Madu Yesu a chyoipra hkum hpe tawn ai shara ni hta dai shara hpe galoi mung lit la yu reng makawp maga ai masha nga ra ai.

Wa Jau ni shata mi hta Missa Hkungga n'law dik lahkawng lang nawng ya ra ai.

Canon Numbat 935 hta kadai mung tinang lata kaw Chyoipra ai hkum hpe n'mai kyem da ai. Majoi n'mai hpai ginwan hkawm ai. Wa saradaw a ahkang jaw da hkrum ai Wa Jau ni, deacon ni, ra ahkyak wa ai shaloi Brother, Mama, Hpung myitsu ni hpe chyoipra Hkum Hpai htawt sit na ra ai de hpai sa ya na mai nga ai.

Canon numbat 938, Daw kaba langai hta matsun da ai. Chyoipra dik htum ai Madu Yesu a hkum hpe htuk manu dik ai, shin lum lam nga dik ai, Nawku Daw jaw yang simsa ai hte Nawku daw jau mai ai Nawku Tawn Kaji kaw kyem da ra ai.

Canon Numbat 938 Daw Kaba lahkawng hta Chyoipra ai hkum hpe kyem da ai Nawku Tawn Kaji ni hpe tsawm htap ai hte tawn da ra ai.

Canon Numbat 938 Daw Kaba masum hta matsun da ai gaw- Chyoipra hkum hpe bang tawn ai Nawku Tawn kaji gaw htawt sit shanu n'mai hkra ngang kang ai the galaw da ai sumpu rai ra ai.  Jahten shaga ai lam n'byin lu hkra ngang ai arung  arai ni the gaw shachyaw da ai sumpu rai ra ai.

Canon numbat 938 Daw Kaba mali hta shim lam a matu chyoipra ai hpe grau htuk ai shara Nawku Jawng hkan sit da ra ai. Grau n'na shana hkan, masa lam n'htuk I ten ni hta shim dik shara Nawku Jawng hkan kyem da ra ai.

Canon numbat 938 Daw Kaba manga hta dai chyoipra ai sumpu Nawku Tawn kaji hte Nawku Htingnu ni a zaw ni hpe lit ang ai wa atsawm sha shim ai hte zing da ra ai.

Ndai hta Ginwang Up Wa saradaw a matsun ai hpe hkan n'na galaw mai ai lam ni nga ai. Tsi rung hkan, htawng hkan hpung masha ni hpe chyoipra ai hkum sa jaw na matu Wa Jau ni, mama, Brother Deacon ni, Kam mai Hpung myitsu Kanu Kawa ni hpe chyoipra ai Hkum htawt sit gun sa jaw na matu ahkang jaw ya ai. N'gawn n'sawn jahten ai lam n'byin na matu gaw grai a hkyak nga ai. Bai Missa Hkungga Nawng ai shara hte tsan gang ai kaw nga ai n'jin n'ngut asak Kaba sai ni, machyi ai ni hpe Chyoipra Hkum la wa mai nga ai. Dai hta mung Ginwang Up Wa saradaw, Ginwang Up Wa Jau, Missa Hkungga nawng ai wa Jau ni a chye ai hte ahkang jaw ai hpe hkap la n'na Chyoipra ai Hkum hpe la wa ya mai nga ai.

Wa sarabyin a sharin shaga matsun laika rai nga ai Redemptions sacramentu No.133 anhte Jinghpaw Ga hte rai yang Hkyehkrang la ai hpe jaw ya ai sacramentu ngu ai hta sadi jaw matsun da ai hta Chyoipra Hkum hpe n'dai zawn gun sa wa ai ten hkan malap mali n'gawn n'sawn n'galaw na matu ja ja matsun da ai.

Chyoipra ai hkum hpe machyi ai masha ni, asak kaba sai ni, tsirung hkan sa jaw ai shaloi hte tsun shaga ai lam ni hpe grai simani hte tsun shaga na. Pyawpoi, Kapoi mahkawn garu ai lam ni hpe koi yen na Madu Yesu a Chyoipra ai Hkum hpe hkungga la ra ai hte kyem na ndai lam ni hpe matsun da nga ai.

Dai majaw Chyoipra ai Hkum hpe tinang a n'ta kaw kyem da na ahkang n'jaw ai. Tinang a n'ta kaw Chyoipra Hkum kyem da n'na sin ai lam hpe ya ten duhkra gaw ahkang n'jaw da shi ai.                

#question&answer

#rvakachinservice