Chyoipra Hkum hte Mara Raw Sacramentu hpe hkam na a hkang dawm kau ai hta Kaning re ai mara kaba ni galaw hkrup ai rai na kun?

Ga san: Chyoipra Hkum hte Mara Raw Sacramentu hpe hkam na a hkang dawm kau ai hta Kaning re ai mara kaba ni galaw hkrup ai rai na kun?

            Ramma ni rai yang Kaning re ai mara kaba ni galaw hkrup yang dai zawn sacramentu ni hpe dawm kau mai ai kun?

Canon 1398- A person who procures a completed abortion cricurs a latae    excommunnication.

Hkritung na ma shabrai kau ai hta myit lawm hkum lawm shang lawm ai ni yawng gaw Nawku Hpung Kaw na jaw ya ai chyeju kumhpa sacramentu ni hpe tsep kawp n'mai hkam la ai. Dawm kau hkrum ai.

Mara Raw sacramentu hpe saradaw Ginwang Kaw n'na masat da ai Jau ni kaw hkam la ra ai. Mara dan hpe tup hkrak hkam la ngut ai hpang she Chyoipra ai Hkum Madu Yesu Hkum hte kaga chyeju kumla ni hpe hkam mai ai.

Canon 1364- § 1. Apostate ngu ai catholic makam masham hpe nyet kau ai. Heresy ngu ai Nawku Hpung sharin shaga ai hpe nyet kau ai, n'kam sham ai schism ngu ai Wa sarabyin a ahkang aya hpe nyet kau ai, Wa sarabyin a matsun madun hpe nyet kau ai.

Ndai zawn re ai lam ni hpe  shut shai tawt lai ni hpe gaw n'dai zawn byin ai lam hpe chye ai hte hkrak sawk sagawn ngut ai hte Nawku Hpung a chyeju kumhpa sacramentu ni mahkra hte shaman ai lam mahkra hpe dawm kau ya ai. Chyoipra hkum tsep kawp n'mai hkam la ai nhkang n'jaw sai.

Canon 1367. Chyoipra ai hkum hpe n'gawn n'sawn asawng asang di ai ni, jahten ai ni, Chyoipra Hkum makam masham hpe jahten sharun na myit n'na la tawn da ai ni. N'dai masha ni myit malai lu n'na shanhte a shut ai hpe gingdan ai mara dan hkam ngut ai sha n'rai yang chyoipra hkum hpe n'mai hkam ai.

Canon 1374 Nawku Hpung Hpe jahten sharun na myit ai hte Nawku Hpung a hpyen ni hte n'hkru n'kaja ai Uhpung Uhpawng ni hte matut mahkai shang lawm ai ni yawng hpe sacramentu chyeju kumla mahkra hpe dawm kau hkrum ai. N'mai hkam la ai.

Canon 1370 Daw Kaba 1 Wa sarabyin hpe n'ju ndawng ai hte lata lagaw du anu kayet ai wa, Jau  aya hkam da ai wa dai zawn tawt lai shut ai rai yang Jau Aya dawm kau ya ai.

Jau magam bungli kaw n'na jahkring ai shinggyim Uhpung Uhpawng a tara upade hte je yang ai. Sacramentu chyeju kumla ni yawng dawm pat kau hkrum ai.

Canon 1370 Daw Kaba 2 hta saradaw ni hpe lagaw lata du anut kayet ai hpung masha, ni hpe sacramentu chyeju kumla ni yawng dawm pat ai. Jau Aya hkam da ai dai zawm shut yang Jau Aya dawm ai Magam bungli mahkra dawm kau ya ai. Sacramentu chyeju kumla mahkra hpe dawm kau ya ai.

Canon 984 Daw kaba 1, mara raw sacramentu jaw ya ai Wa Jau ni dai mara raw ai hta Na ai mara raw ai wa tsun dan ai mara kaga lam mahkra hpe si ai sha ni du hkra kadai hpe mung n'mai tsun da ai. Ndai lam hpe tawt lai ai Jau ni hpe Jau Aya Magam bungli mahkra chyeju kumhpa sacramentu mahkra dawm pat kau ya ai.

Canon 1055. Daw kaba 1 hta Nawku Hpung a masat da ai tara htung hte Hkungran sacramentu hkam la sai ni prat tup na matu Ga shaka tawn da ai. Madu wa, madu jan bai n'mai la jat ai. Hkungran Ga shaka hpe sadi n'dung hte num bai la jat ai, la bai la jat ni hpe mung chyoi pra ai Hkum Dawm hkrum nga ai.

Mara kaba re ai hpe chye ai myit lawm ai hte dai mara hpe galaw ai. Myit malai lu ai hte dai mara hpe galaw ai. Myit malai lu ai lam n'nga ai. Ndai zawn re ai hpung masha ni hpe mung Chyoipra ai Hkum hte Kaga sacramentu chyeju kumla ni dawm kau ya ai.

Ga shadawn Ramma ni num hte la rau jawm nga ai. Hkum shan kanawn mazun ai. English Ga hte living-together ngu ai. Hkungran sacramentu nhkam la ai. Hkam la na mung nmyit ai. Chye nga ninglen dai mara hte hkawm sa sai. Myit malai lu ai lam n'nga ai. Ndai zawn re ai ni hpe mung chyeju kumla sacramentu ni dawm ai. N'mai hkam la ai.