Chyoi Pra ai Wenyi hpe Shingbyi Kamhpa Kyu Hpyi Ga Mahkawn (17 JAN 2022)

Chyoi Pra ai Wenyi hpe Shingbyi Kamhpa Kyu Hpyi Ga Mahkawn

Hkungga ai shiga madat nu wa hpu nau ni e, Vatican matsun hte, October 2021 – October 2023 laman na Kahtawlik Nawku Hpung Ting hte seng ai Sasana Rapdaw Zuphpawng Kaba a matu npawt nhpang lam matsun hte maren buga nawku hpung masha ni zuphpawng hpawng hapng shagu ndai “Chyoi Pra Ai Wenyi Hpe Shingbyi Kamhpa Kyu Hpyi Ga” hpe tsun let akyu hpyi na rai nga ai. Mahkawn mangwi hte rau mung gin shalat da lu saga ai majaw shiga madat hpu nau ni hpang de shabra dat ga ai.

Matsing:

Zuphpawng nhtoi law law nga ai raitim, anhte Myanmar Mungdan na Saradaw Ginwang shagu gaw, Myanmar Mungdan Saradaw Hpawng Kaba CBCM de 2022 April shata hta sa dat ra ai majaw Buga, Jau Ginwang na Nawku Hpung Masha ni lawan dik ai hku nna, “Kahtawlik Nawku Hpung ting hte seng ai Sasana Rapdaw Zuphpawng Kaba” a matu tau nau bawngban let Tinang Saradaw Ginwang Ginjaw de alawn sa dat lu na matu Buga, Jau Ginwang kaw na hpung masha ni hpe kahtap nna shadum dat ga ai law.