Anhte Tsawra Ai Makam Masham Hpe Anhte Tsawra Ai Kasang Kasang Hta Ap Nawng Da Ga

Wa Sarabyin Francis kawn kam sham ai hpung masha ni hpe “first spiritual task” hku na anhte chye da ai Karai Kasang hpe “abanding” galaw kau na “Gospel” kabu gara shiga hta Madu yesu anhte hpe madun dan ai Karai Kasang gaw anhte hpe tsawra ai hte lanu lahku ai hpe shani shagu hta hkap la nna hkawm sa ra ai lam hpe tsun lai wa ai. “Madu Yesu a kasi ni hpe hkan sa nna, Karai Kasang kaw anhte a makam masham hte myit mada ai hpe ap tawn da ga”

 Wa Sarabyin Francis kawn dai shani hti ang ai San Marku a kabu gara shiga kaw na Madu Yesu anhte hpe galoi mung kaja ai lam madun dan let Karai Kasang a lam hpe hkaw tsun ai hpe la kap nna n gun jaw shadum jahprang ga hpe tsun lai wa ai. Madu Yesu galaw lai wa ai hpe kasi yu la nna anhte hpe Karai Kasang a ahkyak dik ai lam nkau mi hpe tsun shadum lai wa nna anhte hpe mung “tinang a makam masham hpe san jep ai hte seng ai ga san”ni hpe san lai wa ai hpe chye lu ai.

Madu Yesu gaw ana byin nga ai masha ni(wounded humanity) hpang de sa nna Karai Kasang a myiman hpe madun dan ya lai wa ai lam  tsun lai wa ai. Masha nkau mi gaw Karai Kasang hte naw tsan taw nga tim kabu gara shiga hta Madu Yesu gaw, mare hkan nga ai shawa shara ngu na tara jawng hta shi tara hkaw tsun lai wa mat ai raitim shi a mungga daini e anhte hpe galai shai shangun nna ana ni hpe shamai ya nga ai hpe mung tsun lai wa ai. Wa Sarabyin kawn ya na zawn galaw ai hpe anhte ni mu lu ai a marang e Madu Yesu anhte hpe madun dan ai hta Karai Kasang gaw anhte hpe ntsa kaw na tsun shaga taw nga ai Sara zawn nre ai sha anthe hpe tsawra myit hte kawan katsan ai hte ana ni hpe shamai ya nna anhte a nta de sa dam wa ai Kawa langai zawn lanu lahku nga ai hpe tsun lai wa ai.

Karai Kasang gaw anhte hpe ntsa kaw na sha sharin ya nga ai Sara nre ai sha anhte hpe tsawra myit hte lanu lahku nna anhte rau galoi mung ni ni htep htep rai nga let tatut e galaw nga ai wa rai nga ai. Madu Yesu nhkring nsa hkawm sa taw ai lam gaw anhte hpe shingdaw (challenge) galaw taw nga ai hpe Wa Sarabyin tsun lai wa ai. “Karai Kasang gaw anhte rau galoi mung ani sha nga nga ai.” Anhte ni Karai Kasang a myit manaw (attitude) hpe kadun ai ga si masum hku rai nga ai “closeness ni htep ai myit ,compassion n-gaw n-wai ai myit hte matsan dum lama chye ai” ni re ai hpe mu lu nga ai. Karai Kasang gaw anhte hpe galoi mung si mani ai hte anhte hpe lanu lahku ya let galoi mung mara dat ya nga ai. Dai majaw ndai ni htep ai myit , n-gaw n-wai ai myit hte matsan dum lama chye ai masum gaw Karai Kasang a myit manaw (attitude) re ai hpe dum nga na hpe tsun shadum lai wa ai.

Wa Sarabyin kawn anhte ni hpe shim lum ai hte tsawra myit jaw nga ai Karai Kasang hpe kaja wa tam nga ai kun? shing nrai anhte hte rau tsan nna kasi katsang nga nga ai Karai hpe kam nna kyu hpyi nga ai kun ngu ai hpe tinang hkum tinang san jep yu na matu tsun shadum da nga ai. Anhte a makam masham gaw anhte a myit hpe simsa shangun nga ai kun shing nrai nhkring nsa anhte hpe shamu shamawt shangun taw nga ai kun? Anhte ni simsa lam hpe hkam la lu na matu (to feel peace) sha akyu hpyi nga ai kun shing nrai (or) shi a nsen hpe na la ai a marang e Madu Yesu zawn masha shagu hpe simsa lam lu la na matu Karai Mungga hpe hkaw tsun nga ai kun?      Madu Yesu chyum mungga hta sharin ya ai tsawra myit hte anhte hpe matsan dum ai Karai Kasang kaw sit shang galai shai ra nga ai lam hpe tsun shadum lai wa ai.

Anhte ni Karai Kasang a myiman nsam hpe kaja wa mu lu ai rai yang, dai gaw anhte a makam masham galu kaba (matures) wa ai a lachyum re ai hpe tsun lai wa ai. Dai hpang anhte ni gaw majoi sha hkungga nawng ai hkristan, lusha hta len ai hkristan hku sha n nga taw na hte kaja wa Karai Kasang a myit mada ra sharawng ai hte masha ni hpe shamai ya lu (heal) ai hkristan hku shaga la hkrum sai ni re ai hpe tsun shadum lai wa ai. Wa Sarabyin Francis kawn Kanu Maria mung anhte hpe Karai Kasang a mungga hkaw tsun na hte shi a sak se ni byin ta wa na matu karum ya rit ngu kyu hpyi let shangut lai wa ai hpe chye lu ai.