Anhte kalawlik hpung masha langai mi online ntsa ko, shing n rai, shinggang kaw, shing n rai, hpu nau hka lup hpung ni a kyu hpyi group, shing nrai, shara ra hta anhte hpe kyu hpyi woi la ai ten hta kawa kasha n,galaw ai sha kyu hpyi yang mara i kaba ai k

Ga San: (sign of the Cross) Anhte kalawlik hpung masha langai mi online ntsa ko, shing n rai, shinggang kaw, shing n rai, hpu nau hka lup hpung ni a kyu hpyi group, shing nrai, shara ra hta anhte hpe kyu hpyi woi la ai ten hta kawa kasha n,galaw ai sha kyu hpyi yang mara i kaba ai kun? Bai nna hpu nau hka lup hpung masha langai mi hku nna anhte katawlik kyu hpyi group kaw e kawa kasha tsun nna kyu hpyi woi la ai shing rai yang kyu hpyi woi la ai wa gaw gade daram dang mara kaba ai baw re kun chye mayu ai majaw san dat lu ngai chyeju hte htai ya rit wajau. Muse jau aseng den (105) kaw shanu nga ai Francisca Ying Sawng a ga san hpe htai ya na nngai.

  • Shawng n’nan tsun dan mayu ai gaw ‘’Tinang kam sham ai karai kasang hpe tinang a chye chyang kung hpan ai myit masin hkum hkrang ma hkra hte Nawku Dau Jau shakawn kungdawn ai lam gaw grai sut grai kaja ai galaw nan galaw ra ai lam mung rai nga ai.

 

Catholic Nawku Hpung Tara sharin Laika Catechesism of the Catholic Church matsun sharin ai hte maren nga yang akyu hpyi ai ngu ai gaw karai kasang hte Ga shaga, Jinghku hku ai, hkrum matut ai. Tinang a myit masin Hkum hkrang mahkra let Karai Kasang the Kahkyin gum din lu na matu shakut ai. Tinang a ra sharawng ai lam ni, myit mada ai lam ni, mai kaja ai lam ni karai kasang shaman jaw ya na matu karai kasang kaw hpyi nem sit shang ai lam rai nga ai.

 

Dai majaw akyu hpyi ai gaw anhte shingyin masha langai a sak hkrung nga ai ten galoi mung aten shagu n’malap ai sha galaw nan galaw ra ai lit langai mung rai nga ai. Anhte a shani shagu na tsun shaga galaw saw a ai, myit ai lam mahkra gaw Karai Kasang Kaw akyu hpyi ai prat rai nga na matu myit hta bang da ra nga ai.

Catholic Nawku Hpung a Nawku Dau Jau lam ni galaw shagu n’nan hpang ai shaloi Kawa Kasha Chyoipra ai Wenyi a mying ning sang hte ngu tsun n’na Udang masat galaw akyu hpyi lamang ni hpe hpang ai. Lachyum gaw Anhte Kam sham ai Karai Kasang rai nga ai Kawa Karai Kasang, Kasha Karai Kasang Yesu Christu, Chyoipra ai Wenyi Karai Kasang, a shaman ai hpe hkam la ai sakse hkam ai. Shana shabra ai Hkaw tsun ai lam mung rai nga ai.

Dai Karai Kasang a lata hta anhte a asak apart hkum hkrang mahkra hpe apt awn da ai lam mung rai nga ai.

Akyu hpyi ai lam gaw grai ahkyak ai Galaw nan galaw ra ai lit mung nga ga ai. Akyu hpyi ai shaloi Karai Kasang a shaman ai hpe hkam la ai. Prat hkrun lam a matu lam matsun madun ya ai hpe hkam la lu ai. Yak hkak jam jau wa ai ten myit mada shara, myit n’gun atsam hkam la lu ai. Hkrit tsang ra ai ten, masa ni hta, machyi macaw hkrum ai ten ni hta shamai shatsai makawp maga ai hpe hkam la lu ai. Nat tsa dan hte awu asin kaw n’na hkye la ai hpe hkam la lu ai. Dai majaw akyu hpyi nan hpyi ra ai.

Ga san hpe maram yu ai shaloi Christian Hpung masha law law gaw tinang mai byin ahkaw ahkang lu ai, nga ai daram shawa nawku hpawng, online Nawku Hpawng ni jawm galaw let akyu hpyi nga ai gaw grai myit n’gun lu hpa rai nga ai. Yawng hpe mung shakawn shagrau mayu n’ngai. Matut n’na mung akyu hpyi shakut na matu n’gun jaw dat lu n’ngai.

Catholic Hpung masha ni hpe tsun mayu ai. Tinang a makam masham hpe nhkrit n’ga ya ai sha akyu hpyi ai shaloi Udang masat galaw let Karai Kasang a shaman ai hpe hkam la n’na Nawku Dau Jau Lamang ni hta shang lawm nga ai.

Catholic Nawku Hpung masha n’rai tim Karai Kasang hpe Kaja wa Kam sham ai hte zakyu hpyi na myit ai kadai mung anhte a Catholic Htung hte maren Nawku Dau Jau ai hta shang lawm mai nga ai.

Ahkyak ra kadawn wa ai ten, shingra maka hta hkan n’na Catholic n’re ai kaga Christian Hpung masha langai dai nawku dau jau lamang hpe woi awn mai nga ai.

Udang masat galaw let Karai Kasang a shaman ai hpe Kadai raitim hkam la na ahkaw ahkang lu ai. Anhte kam sham ai Karai Kasang gaw shingyim masha yawng, mungkan masha yawng, yawng mayawng a Karai Kasang rai nga ai. Yawng hpe bai htet mayu ai ‘’Akyu hpyi shakut ga.’’ Ndai hte hte ga san hpe htai dat ya lu n’ngai.

By Fr. Patrick Brang Di

Ga San: (sign of the Cross) Anhte kalawlik hpung masha langai mi online ntsa ko, shing n rai, shinggang kaw, shing n rai, hpu nau hka lup hpung ni a kyu hpyi group, shing nrai, shara ra hta anhte hpe kyu hpyi woi la ai ten hta kawa kasha n,galaw ai sha kyu hpyi yang mara i kaba ai kun? Bai nna hpu nau hka lup hpung masha langai mi hku nna anhte katawlik kyu hpyi group kaw e kawa kasha tsun nna kyu hpyi woi la ai shing rai yang kyu hpyi woi la ai wa gaw gade daram dang mara kaba ai baw re kun chye mayu ai majaw san dat lu ngai chyeju hte htai ya rit wajau. Muse jau aseng den (105) kaw shanu nga ai Francisca Ying Sawng a ga san hpe htai ya na nngai.

  • Shawng n’nan tsun dan mayu ai gaw ‘’Tinang kam sham ai karai kasang hpe tinang a chye chyang kung hpan ai myit masin hkum hkrang ma hkra hte Nawku Dau Jau shakawn kungdawn ai lam gaw grai sut grai kaja ai galaw nan galaw ra ai lam mung rai nga ai.

 

Catholic Nawku Hpung Tara sharin Laika Catechesism of the Catholic Church matsun sharin ai hte maren nga yang akyu hpyi ai ngu ai gaw karai kasang hte Ga shaga, Jinghku hku ai, hkrum matut ai. Tinang a myit masin Hkum hkrang mahkra let Karai Kasang the Kahkyin gum din lu na matu shakut ai. Tinang a ra sharawng ai lam ni, myit mada ai lam ni, mai kaja ai lam ni karai kasang shaman jaw ya na matu karai kasang kaw hpyi nem sit shang ai lam rai nga ai.

 

Dai majaw akyu hpyi ai gaw anhte shingyin masha langai a sak hkrung nga ai ten galoi mung aten shagu n’malap ai sha galaw nan galaw ra ai lit langai mung rai nga ai. Anhte a shani shagu na tsun shaga galaw saw a ai, myit ai lam mahkra gaw Karai Kasang Kaw akyu hpyi ai prat rai nga na matu myit hta bang da ra nga ai.

Catholic Nawku Hpung a Nawku Dau Jau lam ni galaw shagu n’nan hpang ai shaloi Kawa Kasha Chyoipra ai Wenyi a mying ning sang hte ngu tsun n’na Udang masat galaw akyu hpyi lamang ni hpe hpang ai. Lachyum gaw Anhte Kam sham ai Karai Kasang rai nga ai Kawa Karai Kasang, Kasha Karai Kasang Yesu Christu, Chyoipra ai Wenyi Karai Kasang, a shaman ai hpe hkam la ai sakse hkam ai. Shana shabra ai Hkaw tsun ai lam mung rai nga ai.

Dai Karai Kasang a lata hta anhte a asak apart hkum hkrang mahkra hpe apt awn da ai lam mung rai nga ai.

Akyu hpyi ai lam gaw grai ahkyak ai Galaw nan galaw ra ai lit mung nga ga ai. Akyu hpyi ai shaloi Karai Kasang a shaman ai hpe hkam la ai. Prat hkrun lam a matu lam matsun madun ya ai hpe hkam la lu ai. Yak hkak jam jau wa ai ten myit mada shara, myit n’gun atsam hkam la lu ai. Hkrit tsang ra ai ten, masa ni hta, machyi macaw hkrum ai ten ni hta shamai shatsai makawp maga ai hpe hkam la lu ai. Nat tsa dan hte awu asin kaw n’na hkye la ai hpe hkam la lu ai. Dai majaw akyu hpyi nan hpyi ra ai.

Ga san hpe maram yu ai shaloi Christian Hpung masha law law gaw tinang mai byin ahkaw ahkang lu ai, nga ai daram shawa nawku hpawng, online Nawku Hpawng ni jawm galaw let akyu hpyi nga ai gaw grai myit n’gun lu hpa rai nga ai. Yawng hpe mung shakawn shagrau mayu n’ngai. Matut n’na mung akyu hpyi shakut na matu n’gun jaw dat lu n’ngai.

Catholic Hpung masha ni hpe tsun mayu ai. Tinang a makam masham hpe nhkrit n’ga ya ai sha akyu hpyi ai shaloi Udang masat galaw let Karai Kasang a shaman ai hpe hkam la n’na Nawku Dau Jau Lamang ni hta shang lawm nga ai.

Catholic Nawku Hpung masha n’rai tim Karai Kasang hpe Kaja wa Kam sham ai hte zakyu hpyi na myit ai kadai mung anhte a Catholic Htung hte maren Nawku Dau Jau ai hta shang lawm mai nga ai.

Ahkyak ra kadawn wa ai ten, shingra maka hta hkan n’na Catholic n’re ai kaga Christian Hpung masha langai dai nawku dau jau lamang hpe woi awn mai nga ai.

Udang masat galaw let Karai Kasang a shaman ai hpe Kadai raitim hkam la na ahkaw ahkang lu ai. Anhte kam sham ai Karai Kasang gaw shingyim masha yawng, mungkan masha yawng, yawng mayawng a Karai Kasang rai nga ai. Yawng hpe bai htet mayu ai ‘’Akyu hpyi shakut ga.’’ Ndai hte hte ga san hpe htai dat ya lu n’ngai.

By Fr. Patrick Brang Di

 

Add new comment

5 + 13 =