Ramma hte Hpaji Lam

Ramma hte Hpaji lam

          An-hte Myanmar mung dan a hpaji hkrun lam gaw Chyam dinglik hpaji ladat  hku nna.. Myen Mung Shang lawt lu ai kaw na dai ni du hkra  rai nga ai. Mung dan  up hkang ai ni, Hpaji magam dap hte seng ai lit nga ai ni kaw na mung, Hpaji mahkrun ni hpe..Kaja wa na zawn re ai ni hpe madi shadaw let, chyam dinglik ya wa ai dai ni du hkra gara ladat gaw myen mung hpaji lam hte htap htuk ai lam, shan-hte nmu tam shi nga ai madang rai nga ai.English ni kaw na  shang lawt lu ai hpang English hpaji ladat gaw mayam hpaji ladat rai nga ai ngu lachyum shaw let, jawng kaw lang ai laika hpan English laika hpe madang nem mat ai a majaw ,sinpraw dingda Asia dan kaw English hpaji, English ga madang tsaw byim wa ai mungdan wa hpaji lam hta aw ra zawn zawn ndai zawn zawn byim mat wa ai rai nga ai.

         Dai ni na hpaji hkrum lam ni mung asuya jawng hpe kam shamyet ra na zawn,Tution shing nrai Tingkyeng jawng ni hpe sha kam ra na zawn shingyim masha ni yawng dam mat nga ai rai nga ai.tinang a matu akyu nnga yang hpa mung n-galaw ai ngu ai tingkyeng myit rawng lit nga ai ningbaw ni a majaw myen mung a hpaji ladat ni gaw asan brang hte shuk nga taw ai re.An-hte a myen mung na hpaji lam hte seng ai Rudi Ru hpang  ni, hpaji chye ai ni, grai ram ai jawng num/la ni law law nga ai re n-nga ai gaw hpaji sharin hkam lu ai lam sha rai nga ai gumhpraw hte mari yang she lu mai ai hpaji zawn byim taw ai a majaw dai ni lu wa ai jan mau ni gaw atsam ningja hte seng n-na san hpa ga san ni pru wa na zawn rai nga ai. Tinang nlu galaw ai lam hpe yin la let, kalai shai ra ai lam hpe tang madun yang she myen mung a hpaji Ban gaw grau kaja wa lu na re.Madung gaw ,shai nga ai masa jahkrat lam rai nga ai n-dai hpe bai n- gram ai sha hpaji lam hpe n-mai galai shai nga ai re. Hpaji ladat galoi kaja wa na ngu gaw kadai mung n-lu tsun nga ai Ramma ni hku nna tinang dep hkap ai hpaji ladat hpe aten n-jashum lai ai sha hka ja na gaw ahkrak nga ai. Myen mung dan hta machye machyang hpaji hpa rat ni hte seng ai ga gale laika book ni law law pru wa ai gaw n-gun lu hpa langai rai nga ai.tinang myit lawm ai sharin hpan ni hpe  mung myen hku  lu hti nga sai hku re.

        Website ni hkan shang hti na matu nga yang Internet nga ra na hte English laika chye hti na matu ra nga ai dai ni na Internet hpaji ladat gaw n-kam na daram lu yu nga ai shiga ni hte hpring chyat taw nga ai re.dai ni na shiga prat hta  shiga ni, lawm lam ni hpring chyat taw nga ai internet kata shang yu yang yu hpa lam ni  law la nga ai rai nna tinang yu na, madung tawn ai lam yan kaw na yen chye mat nga ai re shi ga lawm lam ni gaw masha ni hpe lawlaw shalen n-na Website ni mung shingjawng shalen nga nga ai re.ndai lapran hta shingyim kanawn mazum website ni  mung masha ni hpe myit shang sha hkra  galaw da nga ai dai hta Facebook zawn re Webtsite ni gaw masha  wa hpe lani mi 3,4 lang nshang yu n-mai hkra shalen ya nga ai  re n-dai zawn n-nan n-nan ni gaw na a matu n-jin shangun nga ding sa na a hkaja  ai lam langai hpe myit maju jung galaw lu na nrai shi nga hpe mung shadum n-gun jaw mayu ai shalen hpan ni hte law nga ai mungkan ga hta pat tawn da hkrum nga ai chyinghka ni hpe gaungwi gaungwi hpaw ya nga sai an-the myen mung dan kata na ramma ni a matu mu mada lam ni na ai ni yawng gaw n-nan ni hkrai rai  mat nga ai  Ramma ni hku nna tinang a pukan magam bungli a lam, yaw shada  na hkaja  shakut nga ai ten masha wa galaw majaw, hkan galaw ai hku nbyim shangun mayu ai. Tinang myit shang sha na ngu shadu ai sharin hpan 2, 3 ram lata dat u dai hta lawm ai lawmg lam ni hpe mahkawng u mai byim ai masa  hpe maram yu  u byim wa na law ai maga lam hku shawng  hka ja u, chyam katut hpaji ladat a mahkrun hta lawm nga ai dai ni an-the ramma  ni prat magam a pu kan magam bungli lata ai ten kalang ta ading tawk lata lu na ngu n-shadu ai  nang hkum nan mung chyam dinglik shakut  yu nna she, dai hpang teng sai ngu ai hpaji hpan langai hpe lata dat ai hku galaw ra na rai nga ai myen mung dan hta gaw English ga  shaga lu yang masha wa a yu kaba ai hpe hkam lu nga ai ndai hpe n-mai arawng la shi nga ai  kaja wa hpaji chye hkra shakut ra ai English  ga chye shaga ai mung dan hta English ga chye shaga ai gaw lak lai ai nrai nga  ai.

        Myen mung hta sharin hkaja la ai english ga shaga n-sen ni shut nga ai law nga ai n-dai gaw nsen npri ai nrai nga ai n-sen npri ai gaw chye na ya mai nga ai n-sen pru ga si nan shut ai gaw chye na ya n-lu nga ai an-hte  mye mung masha ni a matu madung mang hkang gaw n-sen jashut ni hte law malawng sharin katut nga ai a majaw rai nga ai.ndai hpe sadi maja tsawm sha hka ja sagawn na sharin  hkam la lu na matu  shadumg n-gun jaw  mayu n-ngai bai prat madang  hpaji ni hpe hka ja na matu  ahkawng ahkang ni hta mung  an-hte ramma shagu gaw prat e jaw ai madang n-bung nga ai a majaw prat hpaji hpe hka ja shakut ai ahkaw ahkang ni n-bung nga ai, ja gumhpraw dang ai ni a matu gaw Singapor, Htai ,England ,America zawn re mungdan ni hta hpa ji sharin na matu kashu kasha ni hpe dat ma ai n-kau mi mung Scholarship ni lu n-na sa ai ramma ni mung law nga ai n-kau gaw mungdan kaba ni hte U-hpung ni kaw na mung Scholarship hpaji sharin hkam la lu kumhpa ni jaw nga ai , shiga lawm lam ni hpe mungdan kata jahkum u, matsat shading ningja ni hpring tsup hkra galaw da u kaja wa hpaji nga yang ya na zawn hpaji sharin kumhpa ni gaw lu mai ai lam rai nga ai bai dai  hta madang ndep ai lam gaw Mang hkang rai nga ai prat dep hpaji ni hpe hka ja na matu ahkaw ahkang  gaw nloi nga ai raitimung ahkaw ahkang chying hka ni mung yet yet sha hpaw taw ai lam ni mung nga nga ai re dai hpe tinang gaw ganaw chye na sha ahkrak madung rai  nga ai.

         English lai ka gaw hpaji  mungkan hta  nlawm nmai ahkrak nga chya-lu sha rai nga ai kaja wa sha tsun lu , hti lu, ka lu yang Yu mayar Ramma ni hta grau ahkaw ahkang lu na lam grau law nga ai re dai majaw Tsaw ra  ai Ramma ni e, hpa galaw na galai nchye shi yang English laika hpe sha ding tawk hka ja shakut ga ngu mayu ai dai English ga the wun doi nga ai hpaji ahkaw ahkang ni, bungli magam ni hpe nang teng sha mu tam na lahtum nshut rai na re ngu n-gun jaw shadum dat let,

Tang Madun Ka ai ,

John N-nye Seng Tu