Ramma Hte Awng Dang Lam Ramma Hte Maigan Mung

Ramma Hte Awng Dang Lam

           Ramma shagu rawt jat galu kaba mayu ai hkrai rai nga ai tatut magam bungli hpe masa lam a majaw galaw ra  nga tim ndai hta grau awng danga ai grau kaja ai prat magam hpe hkrak madi shadaw ya lu ai bungli ni galaw mayu ga ai rai nga ai. Rawt jat galu kaba wa na lam laika hpaji ni hti ga ai  dai hti ai ten jahkring na laman hta myit ni rawt masu n-na na wa jang mi na raw sha rai mat nga ai ni law nga ai re. Awng dang lam hpe tam bram ai hta Mai byim ai shara kaw na n-nan chye hpang chye galaw na ahkrak madung rai nga ai bai tinang hkum tinang chye na ra nga ai dai sha n-ga masha wa mung tinang  hpe gara hku myit ya taw ai kun ngu mung chye ra nga ga ai tinang hkum a atsam ningja ni hpe masat (Amark) 8 ram jaw da nga tim masha wa gaw Amark 3 ram sha jaw ai mung nga chye nga  ai re. dai ten tinang hpe amark shayawm jaw ai hpe n-mai paw tai shi kaja wa nansha tinang a atsam hpe amark 3 ram sha mu mada ai a majaw rai nga ai dai re majaw myit kaw sha byim taw n-mai nga ai bai tinang a dum n’ta kaw sha byim taw na mung n-mai nga ai ndai shara hta Self Confidence ngu ai tinang hkum tinang kam ai myit ngu hte seng n-na tsun mayu nngai tinang hkum tinang kam ai myit ngu ai lam gaw prat magam a awng dang na lam hta ahkrak dik shara kaw lawm nga ai.raitim teng teng man man jaw jaw rai ra na gaw ra nga ai

           Americn Hpaji ladat hta sara ni hpe matsun da ai lam gaw Jawng Ma ni hpe tinang hkum tinang kam ai ngu ai ndai myit masa hpe shatsaw ya na matu lawm nga ai lam chye lu ai lai wa sai 10 jan ram hta chyam dinglik yu ai lam langai hta  ka da ai hta e American,Frience, zawn re sinna mung dan hte japan dingdung Korean zawn re sin praw maga na mungdan 14 a jawmg ma ni hpe shan hte a ningja ni hpe chyam dinglik sawk shagawn yu ai hta Sawn Hpan hpaji   hte seng ai ga san hta Korean jawng ma ni gaw No 1 shara hta nga nna American jawng ma gaw lawu madang kaw rai nga ai., hpang ga san langai rai nga ai—nang gaw sawn hpan hpaji hpan hta  byim ai i? ngu na san ai hta American jawng ma wag aw No 1 shara kaw na byim nga ai ngu na htai nga ai ndai lam gaw mi shat sun lai wa sai American mungdan a hpaji masa ladat hpe madi madun nga nga ai hpe mu lu nga ai American jawmg ma Ramma ni gaw tinang hkum tinang kam ai myit ni grai tsaw ai shara kaw nga nga ai hpe mung mu lu ai

           Anhte Asia dan a jawng ma ni gaw kaja sha chye taw nga ai kung kyang taw nga ai raitim masha man hta  chye ai lam,  kung kyang ai lam , ntsun gwi nga ma ai law nga ai dai re majaw chye ga ai ngu ntsun timung myen mung masha ni gaw chye ai lam galaw lu ai lam tak sawn da ai hta grau nga ai lam ni nga ai , sinna mungdan a masha ni gaw myen mung msha ni hpe yu kaji timung myen mung masha ni gaw du ai shara kaw masha hpe dut sha lu ai madang hku atsam madun chye nga ai bai nkau mi gaw nhkru nkaja ai mada de mung byim nga ma ai re. Bai Myen mung masha ni gaw du ai shara kaw mang hkang ni hpe ja  gumhpraw hte hpran ai akyang  ni nga nga ai Malaysia hte Htai hpyen la  ni gaw shawoi de mayun kunhpa sha ai lam  ni ngalaw ma ai raitim myen mung masha ni sharin ya nna  chye galaw sha nga ai law wa sai hku re .amreican zawn mungdan kaba ni hta pi mawdaw Licence ni hpe gumhpraw jaw na lu galaw ai myen mung masha ni sha nga ai,  mungdan kaba langai mi hta myen mung masha ni  mawdaw Accident shadang law ai lam kaw na sagawn yu yang licence ni hpe gumhpraw jaw nna galaw ai lam chye lu ai rai nna myen mung masha ni a mawdaw licence 1000 jan ram dawm la hkrum nga ai mabyim ni hpe mung chye lu ai hku re.

           Tsara ai rammma ni Awng dang ai lam ha , tau  hkrau awng dang lam ngu ai hpan hpe nau nmai myit mada ai ndai lam gaw kaja wa awng dang lam rai yang she rai na npawt nhpang hpe dang dang hte lung wa u lani  nrai yang lani mi na nhtoi hta gaw ngang grin ai Awng Dang lam hpe teng sha lu la na rai nga ai ngu gam garan ya dat let bai

Ramma  Hte Maigan  Mung

           Ramma Ni gaw  Maigan Mung dan  de grai nan sa mayu  nga  ai. Hpaji sharin ai mi rai rai, bungli sa galaw ai mi rai rai ndai prat ramma ni gaw maigan na wa ai ni law nga sai  hpe mu lu nga ai.Moi na zawn maigan pru nan yak nga sai hku re. Bai nna maigan mungdan du ga ai hpe lak lai ai hku ngu n-mai tsun nga sai dai hta lak lai ai ngu mai tsun na gaw maigan mungdan hta  hkrum katut ai mayak mang hkang ni sha rai nga ai.Masha mung dan hta hpaji sharin sa ai hku mi rai rai bungli sa galaw ai hku mi rai rai n-nan daw maga gaw masha shagu mayak mang hkang ni hte hkrum katut chyalu rai nga  ai mayak lam ni hpe tawt lai lu na madang hte aten ladaw gaw myen mung dan hta shani shgu tinang kade ram hkyen lajang hka ja da ai ngu ai kaw sha madung rai nga ai re htoo du yang byim wa na ra ai ngu aloi sha hkum sa myit kau, maigan mungdan langai a mayak ni sha n-ga tinang mungdan shada da pi mawlu maw sha ai lam hpe naw hkrum ra na rai nga ai, sa ai shaloi sha gaw baw sharawt sa n-na,  bai wa ten hta gaw kadai n-chye hkra bai wa ai ni grai law nga ai re.

Maigan mungdan de sa na matu shajin sai nga yang sa na mungdan a ga hpan hpe chye hkra hka ja ra na gaw teng sha rai nga ai.English ga chye yang gara mungdan de sa lu ai ngu ai gaw jahkring jahkra sa wam ai ni a matu gaw jaw nga ai.

Bungli sa galaw na matu nga yang gaw tinang galaw ra ai bungli hta English laika hpe madung da nga ai nrai nga ai tinang sa na  mungdan a ga hpan hte htunghkring lailen hpe nlaw htum 2 ning ram hkaja shakut ra na ngu mu mada ai, ndai gaw maigan mungdan hta shaning galu tsap nga lu na matu hta ahkrak lawm nga ai hpe madi madun n-gun jaw mayu ai law,  bai nawku hpung kaw na mung  ramma ni hpe maigan mungdan de hpaji sharin sa dat ai lam ni nga nga ai marai kade awng dang ningtawn na bai wa ai hpe gaw n-chye nga ai re .Hpa mi rai rai tsaw ra ai ramma  kanau kasha ni hpe tsun mayu ai gaw nang  gara mung dan de sa mayu ai kun? Sa na matu hkyen lajang nga ai kun? Lu wa na akyu hpe jahkring malap da n-na, Ga hpan hte magam bungli  hte seng ai kyung kyang lam ni hpe shawng hka ja  shangun mayu ai, bai du na ten hta maigan mungdan hta na nga yang tinang  a mungdan kata hta masa lam kaja ni hpaw wa nga ai, sut masa lam hta arang bang wa ai hte maren bungli ahkaw ahkang lu na lam ni grau law wa na sha rai nga ai.

  Dai re majaw tinang a marai ningja hpe garang da na sha ahkrak nga ai,  lai sai ten hta tsawm sha galaw na ahkang n-lu ai a majaw tinang lu da ai jan mau, hka ja da ai hpaji ni gaw tatut hta  n-chyam n-jai lang shi ga ai, kaja bungli mungkan hta kung kyang ai sara kaba ni nga nga ai n-mai masu sha nga ai , shingjawng ai lam ni nga wa ai hte kaja atsam rawng ai ni sha shaning na na rawt jat wa na rai nga ai. Kanu Kawa ni a myiman a majaw bungli shang lu ai prat htum wa magang rai wa sai re. Kaja wa hkrak n-chye yang bungli magam hta  Awng dang na prat de ndu wa sana sha rai nga ai. Ya ten kaw na  tinang a rip kawp, myit masa, kung kyang lam ni hpe tau hkrau shajin sa wa saga tinang hkum tinang atsam ningja nga ai ngu shadu ai gaw bungli nlu nga ai bungli madu kaw na nang hpe atsam ningja rawng ai ngu mu mada yang she mai na re ngu tsaw ra ai ramma ni a prat magam hta jaw ai ningmu hte awng dang wa lu u ga ngu yaw shada let ,

Ka ai

John N-nye Seng Tu.