Kun Dinghku A Salum Dinghku Kanu (07.7.2019)

 

Kun Dinghku A Salum Dinghku Kanu

 

Kundinghku Kanu ngu ai gaw Kun dinghku dum nta hkrung nga hkra galaw ya taw nga ai wa rai nga ai zawn kashu kasha ni a prat hpe shim lum ai hte shading sharai ya nga ai salum langai mung rai nga ai. Kun Dinghku Kanu ni Makam masham lam hta ngang kang akyu hpyi shaja ai gaw ngwi pyaw simsa nga pyaw ai dinghku byin tai na sha rai nga ai. Makau grup yin ni tsun ai hta tinang a ningrum ningtau wa hpe grau kam ra ai.

Makau grup yin tsun ai hpe hkrai madat ai rai yang dinghku hten wa chye ai re.Anhte Ningrum ningtau jan ni gaw Tinang a Ningrum nintau wa hpe hkungga manu shadan ra ai,Dai rai yang she Kashu kasha ni hte makau grup yin mung hkungga na rai nga ai.Tinang a Ningrum ningtau wa bungli hta kaja ai mi rai rai,nkaja ai mi rai rai galoi mung man man sha tsun shaga kanawn mazum ra ai,na pyaw ai nsen si mani sumsai myi man ni hte tinang a Ningrum ningtau wa a pu ba ai lam ni hpe jakoi ya ga.

Dinghku hta ahkyak dik gaw law hpa myit hpe shayawm nna tsawra shawang myit,Kam sham ai lam,shada chye na hkat ai lam ni hpe ngang kang hkra gawgap ga.shi maga tinang maga rap ra ai hku yu ya ai rai yang ga sadi ni ngang kang wa nna grau sung ai tsawra shawang myit ni lu wa na rai nga ai.