Nawku hpung rawt jat galu kaba lam a matu Myitkyina Saradaw Ginwang hta P.L.N Jau Ginwang ningnan hpe (1.5.2021 ) ya shani kabu gara hpaw la lu sai.
Wa Jau Noel Jumhpawk Naw Lat hpe P.L.N ginwang up Jau lit magam ap ya sai rai nna P.L.N Jau Ginwang ningnan gaw Shatapru Jau Ginwang kawn garan hpaw dat ai rai nga ai.
P.L.N jau ginwang hta Shwezet, Kawa Hka,P.L.N, Mile (8), Mile ( 10 ), Lamyeng, Rosana, Nawng Nang Sara Gaiwang ni lawm nga ai.
1.5.2021
St.Joseph Nawku Jawng Wang,P.L.N
Myitkyina.
Wa Sarabyin Francis a myit masin kaw nna nan myit ra lam kaba langai rai nga ai majaw 2021 shaning na May shata Rosary hti lamang hta Mungkan ting Covid 19 ana kanu hkoi htum mat u ga matu Mungkan ting n hkring n sa Rosary hti ga ngu “Global Rosary Marathon” gabaw ginlam hte Vatican kaw ndau da ya ma ai.
India mungdan hta Covid-19 ana tsin-yam a majaw lai wa sai shata du hkra rai yang Kahtawlik Jau marai 20 daram si mat sai lam chye lu ai.
Ndai April shata 20 – 23 laman hta sha mung Kahtawlik Jau marai 14, Covid-19 ana zingli a majaw bai si mat sai lam mung chye lu ai.
India mungdan hta chyam bra ana kalang bai hta wa ai rai nna, Coronavirus ana kap masha grai law wa ai hte asak hkye oxygen nsa marawp jak gu ra hkra n lu garan lang ai majaw si mat ai machyi masha grai law sai lam India mungdan kata shiga shabra laika pa ni hta tsun da ma ai.
Myanmar Mungdan hta lai wa sai Frebruary praw 1 ya shani Hpyen Dap kawn Mungdan Uphkang Daru Magam Arna Zingkau ai majaw dai hpe ninghkap ai hku nna Mung masha ni ladat amyu hte n-gun madun ai lam galaw nga ma ai re.
Simsa ai hku n-gun madu nga ai Mung masha ni hpe balik hpyen dap kawn bru shabra kau ai lam ni nga ai rai tim hpyen dap asuya uphkang ai hpe n ra ai hte mung masha ni ra sharawng ai tengman ai Federal Democracy Mungdan lu na matu byin mai ai ladat hte matut n-gun madun nga ma ai rai nga ai.
Lashio Saradaw Sasana Moguk jau ginwang hta na Deacon Dominic Gu Tar Hpa gaw 22.4.2021 bat mali ya jahpawt 9:00am hta Moguk Muklum Hkristu Hkaw Hkam nawku jawng hta Lashio Saradaw Sasana lit hkam sagu rem wa Wa Saradaw Lucus Jheimphaut Dau Ze (SDB) a lahta hta htani htana jau aya hkam la lai wa lam L.hp Doi Aung (Mgk) shiga jaw la ai hku nna chye lu ai.
Lai wa sai nhtoi 14-15/4/2021 ya shani Ma Ma kaba Jacinta Mangshang Bawm Wawn a Karai sasana magam gun shaning (50) ning hpring Ja Jubilee hte Deacon Martin Lashi Brang San Awng, Deacon Paul Kareng La Tawng yan a Htani Htana Jau Aya hkam poi hpe Lashio Saradaw Ginwang, Kawng Hka Jau Aseng, Kawng Hka Mare hta galaw lai wa sai.
April 25, 2021, “Mission Sunday” Sasana Laban shani, San Peter Nawku Htingnu hta, jahpawt hkying 9:00 a.m, aten Decan marai (9) hpe Jau shatai Misa hkungga hpe Wa Sarabyin Francis woi awn na re lam chye lu ai.
Jau shatai Misa Hkungga hpe Vatican Media, Telepace, Tv2000 hte Roma Saradaw Ginwang a Facebook page ni hta live shapoi na re lam mung ndau da ma ai.
Lamang hpe gaw Covid-19 makawp matsun hte maren galaw sa wa na re lam mung “the Press Office of the Vicariate of Rome kaw nna ndau da ma ai.
Myitkyina Saradaw Sasana hta na Wa Jau kaba Msgr.Francis Zukdaw Lum Dau a Karai Magam gun jau prat (50) ning hpring chyeju dum Ja Jubali Poi kaba hpe Myitkyina jau ginwang San Columban Nawku jawng Aung Nan hta April (20) ya shani galaw lai wa sai.Ndai Wa Jau kaba Msgr. Francis Zukdaw Lum Dau a Karai magam gun Ja jubali poi hta Wa Saradaw Francis Daw Tang hte Wa Jau ni,uhpung shagu na Mama ni,Tara Hkaw Sara/num ni,jinghku jingyu ni hte Nawku hpung masha 700 jan sa du kabu shanglawm lai wa sai re.
Manmaw Sasana, Manmaw Jau Aseng Deng (2) Aung Tha kaw Karai Magam Gun nga ai, Ma Ma Kaba Teresa Nelly Amyaw a Karai Magam Gun (25) Ning Hpring ai Gumhpraw Jubilee Chyeju Dum Shakawn Shagrau ai Misa Hkungga hpe San Bridget Nawku Jawng kaw Kabu Gara Awng Dang ai hku galaw la lu sai. Ma Ma Kaba Ngwi Pyaw Hkamja let, Sasana magam hpe gun hpai lu u ga, akyu hpyi garum myit dum shakram dat ga ai.
21 April, 2021. ( Wed)
Sign up to our newsletter and get latest news and updates straight to your inbox!
