Ma shangai shaprat ai madang hpe shatsaw ra ai,
Kun dinghku shagu hpe makawp maga ra ai,
Prat Ban Shagu Ma Shaprat Ai Lam Nga Ra Ai,
Hpaji Jawng ni hpe shagren ra ai,
Ginlung kahkying gumding lam nga ra ai,
Ma Shangai Shaprat Lam N Nga Yang Shawng Lam Myit Mada Shara Mung N Nga Ai.
Ya na zawn yak hkrak jam jau hkrum ai prat hta bai htang ai shaloi, (1) makam hta matut hkawm sa ra ai, (2) gahkyin gumding lam ngang gring ding yang rai ra ai, (3) Teng man ai hta matut tsap sa wa ra ai, ngu Wa Sarabyin matut shadum n-gun jaw da nga ai.
Italy Mungdan na Tara Agyi rai nga ai A lu ai Rosario Livatino gaw mafia hpung ni a zingri sat hkrum ai wa rai nna, shi a shakut shaja ai, dingman dinghpring ai sakse ni a marang e ya na zawn “Tara Rapra lam a matu sat hkrum ai wa re ngu, laban shani, Regina Coeli” akyu hpyi ga tsun ngut ai aten Wa Sarabyin Francis masat shamying ya ai rai nga ai.
La Salette Mama Wuhpung (Sisters of Our Lady of La Salette) kaw na Sr.Stella Hpauda Hkawn Ja hte Sr.Theresa Lahkri Seng Hkawn Mai yan gaw htani htana Mama tai let Karai a magam gun na matu ga sadi hkam la da ma ai.
Palestinian masha ni Israel balik dap ni hpe mung shawa n-gun madun ai lam Yerusalem kata hta byin nga ai majaw simsa lam tam na matu Wa Sarabyin Francis, May 9, laban shani “Regina Coeli” akyu hpyi ga tsun ngut ai hpang hpyi shawn da ai.
Party shagu gaw shawa akyu ara mahtai hpe tam na matu dawsa ai lam hpe shawng shazim kau mu ngu hpyi shawn da ai.
“Pope’s General Audiences” hpe 2021 May 12, bat masum ya shani kaw nna shawoi na hte maren bai galaw hpang sana re lam Vatican kaw nna ndau da ya ma ai. The Holy See Press Office kawn lai wa ai bat mali ya shana maga daw hta ndau da ya ma ai.
Wa Sarabyin: May 16 Ya Shani, Myanmar Mungdan A Matu Misa Hkungga Nawng Jau Ya Na
Roma Kaw Nga Ai Myanmar Mung Masha Ni Hte Rau May 16, “Yesu Madu Sumsing Lamu De Lung Wa Ai Poi” laban jahpawt 10:00 a.m, aten tup hta Myanmar Mungdan simsa wa na matu laksan Misa Hkungga nawng jau ya na re Vatican Shiga Dap kaw nna ndau da ma ai.
Myitkyina Saradaw ginwang, Simsa lam hte Tara rap ra lam commission (Justice and Peace) kaw nna woi awn let, Mung masa mabyin hte byin wa na mung masa mayak lam ni hpe myi shahpaw dan na matu hte ramma ni kaw, hkam sha ai lam tsun dan mayu ai lam ni hpe Nawku hpung hpe tsun dan let, Nawku hpung kaw nna gara hku garum lu na ngu ai lam hte seng nna bawngban hpawng hpe (10.5.2021) ya shani Myitkyina San Columban Nawku jawng wang, htap masum mungbawng htingnu hta galaw lai wa ai.
St.Francis Xavier Brother ni Myitkyina de sasana magam gun hpang ai (25) ninghpring sai rai nga ai.
Xavier brother ni gaw Myitkyina sasana a Nawku hpung galu kaba rawt jat wa na matu lam amyu myu hku nna madi shadaw garum nga ma ai re.
Jubali poi lamang galaw ai lam hte Xavier Brother ni a lam Brother Richard Zahkung Tu Lum tsun dan ai hpe madat la ga
Brother Zahkung Tu Lum gaw RVA kaw 6 ning (2004-2009) ap nawng magam gun lai wa sai rai nga ai.
Sharin hpawng hpe 2021 July kaw nna hpaw hpang wa na re lam,
Jau, Ma Ma, Brohter ni hte hpung woi ningbaw ningla ni hta na Num hpung, La hpung, Ram hpung ni hte seng ai shinggyim matut mahkai lam ni hpe sharin sa wa na re lam,
Sharin hpawng hpe FABC OSC, Manila, Philippines hte VAISCOM kaw woi awn sa wa na re lam ndau da ma ai.
Sign up to our newsletter and get latest news and updates straight to your inbox!
