April 3, laban shani, Malta kaw Missa Hkungga woi awn ai hta, Madu Yesu hte rau rai yang gaw, n bung ai prat nnan shagu hta raitim, byin mai ai lam nga nga ai, ngu Wa Sarabyin Francis, mungga hkaw tsun da nga ai.
Wa Sarabyin Francis gaw, shi a 36 lang ngu na maigan mungdan de sa du kawan ai Apostolic Visit, gaw Malta kaw rai nna, laban Missa Hkungga hpe mung woi awn la ai rai nga ai.
Jau Ningnan Rai Nga Ai Wajau Augustine Maran Seng Mun Awng ( OFM ) Hpe Hkalum La Ai Lamang Hpe,
4 April, 2022 ( Bat 1 Ya ) Jahpawt 8:00 Am Ten, Wa Sardaw Kaba Cardinal Charles Bo Hte Rau, Wajau Ni, Mama Ni, Hpung A Myitsu Kanu Kawa Ni Hte Rau, Myitkyina San Columban Cathedral, Awng Nan Hta, Missa Hkungga Hte Rau, Kabu Gara Hkalum La Lu Sai .
Sinlum buga gaw Kahtawlik makam masham a matu mung, Wunpawng myusha ni a matu mung mying gumhkawng ai, labau shang shara mung rai nga ai.
Myitkyina Saradaw Sasana,Myitkyina Aung Nan,San Columban Cathedral Nawku Htingnu hta Brother marai mali gaw Wa Saradaw Kaba Cardinal Charles Bo ( Yangon Sasana Ginwang Up Saradaw) a lata hta Deacon aya hkam la ai poi hpe 2.4.2022 ya Jahpawt 7:00AM ten hta galaw lai wa sai.
Brother marai mali hpe Deacan aya hkam ya ai poi hta Wa Saradaw Kaba Cardinal Charles Bo ,Wa Saradaw Francis Daw Tang,Myitkyina Saradaw Sasana kata hta magam gun hpai nga ai Wa Jau ni marai (50) jan sa du shanglawm lai wa sai re.
Fatima Nu Maria Lungpu Gaw Gap Na Matu Garum Hpyi Dat Ai Lam
Wai Maw Jau Ginwang, Mali Sut Ngai Sara Gaiwang Ulawk Ja Ra Yang Mare, St. Isidore Nawku Jawng Wang Hta, Galaw Taw Nga Ai " Fatima Nu Maria Lungpu " Gaw Gap Sa Wa Na Lam Hta,
Alu Ja Gumhpraw Ni Hte Shang Lawm Mayu Ai Myit Su Kanu Kawa Ni, Nawku Hpung Masha Ni, Shang Lawm Chyeju Hkam La Mai Ai Lam Hkunnga Ler Saw Shaga Dat Ga Ai law
Garum Matut Mahkai Mayu Ai Ni A Matu :
1.Slg. Pawlu Labya Seng Awng ( Ningbaw ) - 09954118767
Majan gaw koi yen n lu ai baw n mai rai ai; majan hpe koi yen lu hkra galaw ra ai. Anhte hkum hpe majan hpaw na akyang hkum shatai la ga; hpawni na matu myit bang let daini byin nga ai n kaja ai lam ni hpe ya ya jang koi yen kau ga; kaja maga de galai shai sa wa ga, ngu tsun let mung masa ningbaw ningla ni hpe mung majan hpe jahtim da na matu Wa Sarabyin aja awa hpyi shawn da nga ai.
Putao Ginwang A Shing Hkawng Mare ( 29 March 2022 )
Kaji ai ten wa jau a kanu yan kawa gaw nat jaw rai nga ai. Raitim kasha ni yawng hpe kashin kamun hkam ya ai. Wa jau Nawng Lat hpe mung asak laning mi jan re ai aten kashin kamun hkam ya sai.
Wa jau gaw asak kaba ai hpang she Kahtawlik nawku jawng de sa ai re majaw gaya ai, nawku jawng sa tim shawng hkan n gwi dung ai, kawa kasha mung atsawm nchye galaw ai, kawa kasha galaw yang lata grai ja ai zawn nga, grai galaw yak ai zawn hkam sha ai. Raitim bawda sa nga ai hpang kaw na kawa kasha mung atsawm sha chye galaw mat ai, akyu hpyi ga ni chye mat ai, mara raw sacramentu hpe hkam la lu ai,dai shaloi shi a myit hta asan sha nga hkam sha mat ai majaw matut manoi rai tsang ( 9 ) du hkra bawda kaw nga ai. Tsang ( 10 ) du ai shaning jau tai jawng de shang nna makam masham lam grau chye na mat ai majaw jau tai na matu grau nna shakut mayu wa ai.
Chyoipra Ai Nu Maria A, Mara N Kap Ai Salum Hta, Mungkan Ting Hte, Grau Nna, Ukraine Hte Russia Mungdan Ni Hpe Ap Nawng Da Ai, Rosary Hti Akyu Hpyi Lamang Hpe
25/3/ 2022 ( Bat 5 Ya )Ya Shani, Myanmar Mungdan Ahkying ( 4:30 )pm Ten Hta,Rosary hti akyu hpyi ya na matu, Wa Sarabyim Francis kaw na akyu hpyi ga hte rau, yawng jawm pawng akyu hpyi na matu ndau da nga ai
Myanmar Mungdan ting na Kahtawlik hpung masha ni yawng mung, shang lawm akyu hpyi na matu, Wa Saradaw Kaba Cardinal Charles Bo kaw na ndau dat nga ai
Sign up to our newsletter and get latest news and updates straight to your inbox!
