Buga shiga, Aug 2, 2018

Myitkyina Sasana Sagurem wa Wa Saradaw Francis Daw Tang, Tanghpre mare na Kahtawlik nawku jawng wang hta shanu shingbyi nga ai hpyen koi yen masha ni hpe sa du gawan lai wa sai shiga

Myitkyin sasana sagurem wa Wa Saradaw Francis Daw Tang gaw Lai wa sai July shata (28) ya shani Tanghpre mare na Kahtawlik nawku jawng wang kaw shanu shingbyi nga ai hpyen yen tsin yam hkrum masha ni hpe sa du gawan katsan n gun jaw ai lam galaw lai wa sai.

July shata (28) ya shana maga hkying (6pm) aten daram hta Wa Saradaw the Wajau, Ma Ma ni du shang wa ai shaloi hpyen yen dabang kaw shanu nga ai sagu hpung masha ni kaw nna, wunpawng htung hking madum sumpyi, yu ngwi mahkawn ni hte kabu gara hkap tau hkalum la lai wa ma ai.

Shana shat sha ngut ai hpang, htung hking magun shat lit the Wa Saradaw hpe shagrau hkalum lamang galaw lai wa ma ai hte hpyen yen tsin yam hkrum masha ni a hkyak hkyak byin taw nga ai mayak mahkak lam ni, ra kadawn ai lam ni Wa Saradaw hpe tang madun lai wa ai.

Wa Saradaw kaw nna mung shanhte a tang madun, tang shawn lam ni hpe aten jaw jahkrum bawng ban lam ni galaw nna, n gun jaw mungga tsun ai, lam matsun madun mungga shaga ya lai wa sai. July shata (29) ya jahpawt (7:30 am) kaw nna 9:20 aten du hkra hpung masha ni hpe mara raw sakramentu jaw ya ai the 11:00 am hta laban missa hkungga nawng ya lai wa ai.

Missa hkungga ngut ai hpang nawku jawng nlu sa lawm ai hpyen yen dabang na machyi masha ni hte asak (114) ning rai sai Patsip zup mare na Jan Anna Tsup Na Kaw hte asak (117) ning rai sai Pung Swi Yang mare na Jan Maria Nlam Hkawn Nan yan hpe sa gawan akyu hpyi ya ai, mara raw, chyoipra hkum jaw ai lam ni galaw lai wa ai.

Hpyen yen dabang up hkang salang ni  tang madun ai jahpan the maren ya ten Tanghpre Kahtawlik nawku jawng wang kaw shanu shingbyi nga ai hpyen yen tsin yam hkrum masha ni yawng rai yang htinggaw (228 ) rai nna masha jahpan ( 1115) re ai lam chye lu ai. Ya ten hta hpyen yen dabang na ma kaji ni nam pan hpaw machyi ai ni law nga ma ai hte galoi ten du hkra hpyen yen dabang kaw shanu nga taw ra na hpe myit tsang nga ma ai, bai nna dum nta nga shara madung yak hkak hkrum nga ma ai lam chye lu ai.

Add new comment

6 + 9 =

Please wait while the page is loading

Buga shiga, Aug 2, 2018 | Radio Veritas Asia

Error

The website encountered an unexpected error. Please try again later.