Kanu Kawa Shakawn Shagrau Gawdin Ginsup Poi Galaw Lai Wa Sai Shiga

Kanu Kawa Shagrau Gawdin Ginsup Shingjawng Poi Galaw lai Wa Sai Shiga!

July 27 ya shani San Joachim hte Anna Poi hta Kanu Kawa Shakawn Shagrau masat poi hku nna Laiza Jau ginwang,Laiza Muklum,Zup Awng Simsa Gawdin pa hta galaw lai wa sai lam Laiza jau ginwang,Nawku hpung rung kaw na Sara Paul N Jung Zau Tang tsun shana ai hku nna chye lu ai.

Laiza jau ginwang,Kanu Kawa Shakawn shagrau ginsup poi hpe Ginwang up Wa Jau Peter Lazum Tu Lum woi awn let,lai wa sai July 27 ya shani shana maga 2:30pm kaw nna 5:30pm du hkra Laiza Muklum,Zup Awng Simsa gawdin pa hta galaw ai hta Tarahkaw Sara Team & Ramma La Team, Sakkung Kawa La Team & Ramma Num Team ni shanglawm shingjawng ai re lam Sara Paul N Jung Zau Tang shana wa ai hku nna chye lu ai.Ya zawn Gawdin ginsup poi galaw ai lam  gaw anthe a chyeju madu chyinghkai Kanu Kawa ni hpe shakawn shagrau chyeju dum ai, shanhte a chyeju hpe anhte galoi mung dum shakawn na matu hte ginwang kata hpung masha ni shada da myit hkrum myit ra makyit ngang kanawn mazup sa wa lu na matu re lam chye lu ai. Tarahkaw Sara Team & Ramma La Team shingjawng ai hta Ramma La team ni dang mat nna Sakkung Kawa La Team ni hte Ramma Num Team ni shingjawng ai hta Sakkung Kawa La hpung ni dang mat ai lam chye lu ai.Laiza Jau ginwang a Kanu Kawa shakawn shagrau Gawdin Ginsup poi hta Dang mat ai ni hte ningtawn ai ni hpe ginwang up Wa Jau hte hpung Salang ni kaw nna kumhpa shagrau let chyeju madu Kanu Kawa ni a poi hpe a ngwi apyaw sha galaw la lu sai lam Sara Paul N Jung Zau Tang tsun ai hku nna chye lu ai.

By : John Mung Hkrang