Ngai gaw nnan e Karai magam gun na ngu loi pyi n myit ai, lai wa sai ten nye prat gaw nam de rawng ai prat re, Kani ya prat hte nga taw ai re.
Majan a majaw shaning ( 11 ) ning jan hpyen yen shakram kau da ai Prang Hku Dung mare hta hpyen yen camp hkan nga ai buga masha ni nkau mi bai wa nga nna Prang Hku Dung jau ginwang na buga hpung masha ni a hkauna rai nga ai Nammawk Prang hkau na, na hkam hpe nawku hpung woi awn ai hte ta gindun let mare buga masha ni daining kaw nna bai galaw hpang ai ya daini apu pu ,asi si nna mam dan la lu sai rai nga ai.
7 Nov, 2022( Bat 1 Ya) Jahpawt 10:00am Ten Kaw Na 12:00 Du Hkra, Myitkyina San Columban Nawku Jawng Kata, Ginwang Up Wa Jau John La Raw Hte Rau Wa Jau Patrick Zau Jat Awng Ni, Saw Shaga Da Ai Dakkasa Ni Shang Lawm Let Sindan Pa Bang Ladat Hte Awng Dang Ai Hku Lata San La Lu Saga Ai.
Jau Ginwang Amu Madu Hpe Myitkyina Jau Ginwang Na Sara Ni Hte Jau Ginwang Na Num Hpung, La Hpung, Ramma, MCA Komiti Shagu Na Sindan Pa (3) Hpra Bang Ai Hte Myitkyina Jau Ginwang Kata Na Lawk (9) Na Lawk Mi Hta Na Sindan Pa (2 ) Hpra Hte Du Sa Ai Myitsu Kanu Kawa (50) A Madi Shadaw Sindan Pa Ni Hte Rau Lata La Lu Sai Mung Rai Nga Ai.
Pa La Na Jau Ginwang, San Yawsep Nawku Jawng Wang Hta, Nu Maria Lungpu Nnan Shaman La Lu Sai!
31 Oct, 2022 ( Bat 1 Ya )
Karai Kasang A Chyeju Hte Gaw Gap La Lu Sai Chyoipra Ai Nu Maria Lungpu Nnan Shaman Hpaw Poi Hpe, Dai Hpawt 8:00Am Aten Ginwang Up Wa Jau Noel Nawlat Hte Rau Wa Jau Kaba Ni, Wuhpung Shagu De Na Du Sa Ai Mama Ni, Brother Ni, Nawku Hpung Masha Kaji Kaba Yawng Ni Shang Lawm Let, Awng Dang Ai Hku Galaw La Lu Saga Ai.
Ndai Zawn Hkikhkam Ai Hku, Gawgap Da Lu Sai Hta, Pa La Na Jau Ginwang Kata Nga Ai Nawku Hpung Masha Ni A Salu Salat N-gun Atsam Ni Hte Rau, Ja Gumhpraw Alu Atan Ni Sak Jaw Bang Ai A Majaw, Shangut La Lu Ai Re Lam Hpe Mung Chye Lu Ga Ai
Ndai Pa La Na Jau Ginwang Gaw, 2021 Ning May Shata Praw ( 1 ) Ya Shani Hpaw Ninghtan Dat Ai Jau Ginwang Nnan Mung Rai Nga Ai Hte, Jau Ginwang Kata, Nawku Hpung Masha Htinggaw (800 ) Jan Nga Ai Hta, Sara Gaiwang ( 11 ) Nga Ai Hpe Mung Chye Lu Ga Ai.
( 21 ) Lang Na Hpaga Htingga Num/La Ni A Wut Sawk Hte Majat Hpaji Sharin Hpang Hpe, Manmaw Saradaw Ginwang Kata Hta Galaw Sa Wa Na Rai Ga Ai.
Dai re majaw, Myitkyina, Manmaw, Lashio Hte, Mandalay Saradaw Ginwang Shagu De Shanu Nga Ai, Hpung Masha Ni Aten Dep Sa Gu Shang Lawm Sharin Hkam La Lu Na Matu, Shana Ya Dat Lu Ga Ai
Anhte a mungkan simsa lam a matu sasana ma ni akyu hpyi ai hta sak ram sai ni yawng mung shang lawm akyu hpyi lawm ga nga nna mung Wa Sarabyin saw shaga da ai.
Shaning tup Karai Kasang kaw na lu la ai chyeju hta na, chyeju dum alu sumbu hpaw ai lam rai nga ai.
PLN jau ginwang kanu num hpung ni a No ( 1 ) lang na chyeju dum alu sumbu hpaw poi hpe jau ginwang ginjaw num hpung ni woi awn nna ( 13.10.2022 ) ya shani PLN St. Joseph nawku jawng wang hta galaw la lu sai.
Sara kaba Yawhan Nlam Gam Li a makoi mayang hpe 17.10.2022 ya jahpawt 9:00AM ten dum nta kaw akyu hpyi nna 10:00AM ten Edin jau ginwang,San Luka Hkawlik jawng wang,San Luka Nawku jawng hta Misa hkungga akyu hpyi nna Rada Kawng Kahtawlik Lup ding Lupwa de makoi mayang sai.
Sara kaba Yawhan Nlam Gamli gaw asak (80) ning hta nhtoi 15.10.2022 bat Kru ya jahpawt 9:56AM ten hta madu kaw yup pyaw mat sai rai nga ai,
Myitkyina jau ginwang,Sasana ma hpung lit hkam Wa Jau John Dashi Naw Lawn woi awn hpaw sharin ya ai Kahtawlik nawku hpung makam masham tara laika sharin Sara/Saranum a ningja ja jat wunkat sharin hpawng hpe 11-13/10/2022 ya shani du hkra Myitkyina jau ginwang,Dap Kawng (Tatkone ) St.Gabriel's Church Compound hta galaw nga ai rai nga ai.
Wa Sarabyin Francis, Indonesia mungdan, gawdin ginsup pa hta kasu kabrawng byin nna chyat dang si mat ai ni a matu akyu hpyi ya ai lam chye lu ai.
Sign up to our newsletter and get latest news and updates straight to your inbox!
