Masha Hpawng Hta Shang Tsap Lu Ai Ramma ( Youth Program )

Masha Hpawng Hta Shang Tsap Lu Ai Ramma

        

N-htum mat ai ma myit ni ngu ai hta e…Tsaw ra ai ramma ni e, Ma prat ten hta  Mungkan ga gaw tinang hpe hka-ang da let gayin taw nga ai re, tsun mayu ai gaw Kun Dinghku hta e Kanu Kawa hte dum n’ta masha, makin jinghku ni gaw ma ngu hpe tsawm sha yu lajang nga ai, ma hkrap ai  hte lawan lagat yu, pawn la, shat kansi ai hte kalang ta chyu jaw, Ma ra ai lam yawng n-lu yang hkrap ai, dai hta masha kaba ni gaw nau tsun wa yang ndang hkam wa n-na lajang dat ya ga ai. Ma prat ten hta ra shagu jahpring shatsup ya ai lam nau lu ai ma langai gaw masha kaba byim wa ai ten hta jam jau chye nga ai hpe mu maram lu nga ai. Mung kan hta ngai sha madung yawng gaw nye myit ra ai hku sha byim ra na ngu ai myit the lam shagu hpe ma prat  ten na zawn sha sawn myit let shi byim mayu ai yawng byim ran a, shi ra kadawn ai ram lu na ngu sawn da ai majaw shingyim uhpung hta mang hkang kanu chye byim nga ai, sak prat hta tingnang byim mayu ai lam ra ai daram nlu mai ai gaw nang ngai yawng chye da ai masa tara langai re kaja wa nga yang kanu kawa ni kaw na mung lai lai jan jan awn ai lam ni n-mai galaw nga ai Asak prat hkan n-na kashu kasha ni hpe masha hpawng hta shang lu hkra bang ya ra nga ai  dai hta ladu lanang nrai mat nag aw ahkrak nga ai hpe dum ra nga ai .

         Ma a asak apart the n-gin dan ai rip kawp ni laja lana rai yang mung nhkrak nga ai re. mayak mang hkang ni law ai ngu ai shingyim prat kata sak hkrung nga pra lu na matu kaji ai ten kaw na myit ni hkang lu na matu sharing ya na ahkrak nga ai re. ma ni hpyi shagu nmai  jaw nga ai jaw ran a mahkrum madup gaw shighyim prat hta tinang byim mayu shagu n-mai byim ai ngu ai lam yen rai nga ai  ma hkrap shagu ahkrak nla shangun ai gaw nrai nga ai, shi chye na ai mi rai rai, nchye na ai mi rai rai, tsun dan ra nga ga ai re, laga ma ni na ginsup rai shi nmai la ai ngu ai nchye na tim shi chye wa na ra ai. Bai lit la chye ra nga ga ai ngu ai lam hta gaw, an-the a kanu kawa nig aw Myit hpaji ninghkring ni nrai nga ai, ma ni hpe gara hku bau maka ra ai ngu lam shanhte hpe kadai ntsun dan nga ai dai re majaw anhte a akyang lai len ni a matu kanu kawa ni hpe  mara shagun na lam tsep kawp n-nga ai lam gaw tsaw ra ai Ramma ni hpe shadum madi madun mayu n-ngai.

         Ya ten hta gaw tinang a sat lawat ni a matu tinang hkum tinang lit la ra nga ai re, tsa hpe ladu lai lu chye ai kahpu hte  tsa ya nga yang gara hku mung yu n-lu ai kahpu kanau hpe mug ga ai, kahpu ngu ai wa hpe “ Nang hpa majaw n’dai zawn,Tsa ya byim taw ai ngu na san yang  n’dai zawn tsa ya kawa hte rau pra  nga wa ai nang myit yu nu le nga n-na kawa hpe mara shagun nga ai,bai kanau ngu na wa hpe nang hpa na tsa hpe n-ju ai law ngu san yang ndai zawn re kawa hte rau nga wa ai le nang myit yu sanu ngu na sha tsun nga ai, dai hpe yu yu yang kanu kawa gaw hpa mi byim taw tim hpang jahtum gaw tinang lata mata ai lam lit la lu ai lam kaw sha madung rai nga ai hpe mu lu nga ai.

         Asak prat ram ai ni shagu tinang lagaw tinang tsap lu na matu tianang a hkam la lam hte tinang sak hkrung ra nga ga ai dai a matu an-the ni yawng gaw tinang hkum tinang lit la lu na ra nga ai, masha hpawng de sari sadang nga nga shang lu na matu ra ahkak nga ai , ra kadawn mga ai  ni hta janmau, arawng aya, ni nrai nga ai, dai gaw myit masa sha madung rai nga ai. Tinang a myit masa akyang lai len ni shingyim uhpung uhpawng hte rap rap ra ra pri nem hkra hka ja shakut galaw na ra nga ai masha hpawng lu ganip ai n-lu ganip ai ngu gaw tinang hte sha seng nga ai, dai hta e ra ahkrak ai lam langai gaw uhpung hte rau nga galaw lu na mung ra ahkrak ai kaw lawm nga ai re.

Uhpung hte ganawn mazum nga chye na matu ngu ai hta ; masha ngu ai hpan gaw langai hkrai sha n-mai nag ai Amyu hpan rai nga ai hte maren, masha ngu byim wa sai hte maren uhpung uhpawng hte  nga chye ra nga ai.Kun dinghku ngu nga na, nga pra ai lawk, Mare,  magam bungli  ngu nga na, laga masha ni hte rau sha nga na matu jahkrup ai lam ngu gaw n-nga n-mai ra kadawn nga ai, kun dinghku hta mung hkan sa ra ai rip kawp ni nga ai zawn bai kapa ra ai rip kawp ni mung nga nga ai.lawk mare hkan mung rip kawp tara ni nga na, lit magam ni nga na, uhpung uhpawng hte nga chye ai ngu ai mung shi chyu shi byim wa ailam nrai nga ai majaw hkaja shakut ra nga ga ai re.

         Ramma langai hta manaw manang ni nga na rai nga ai, dai manaw manang ni hte rau chye ai lam ni, jinghku hku chye ai lam ni gaw dai ramma a prat hpe grau tsawm htap  shangun chye nga ai re, bai nna grau na mung zet tsang mat na rai nga ai, bungle magam de shang mat sai nga the uhpung n-nan kata de du mat na rai nga ai, shara n-nan hta masha n-nan hte kanawn chye na ra nga ai, manang dingsa  ni hte  mung matut mahkai n-mat ai zawn manang n-nan ni hte mung hku hku hkau hkau ganawn mazum chye na mung ahkrak nga ai, bungli masa hku n-na n-byim n-mai ganawn mazum ra ai masha ni nga ai zawn, tinang hkum nan lata lu ai uhpung ni mung nga nga ai, makam masham bung aiuhpung kata ramma uhpung ni nga ai laga shamu shamawt uhpung ni mung nga ai,n’dai uhpung ni hta shang lawm ai hku n-na mung ramma langai a sak prat hpe grau ngwi pyaw ten ni byim hkra galaw mai nga ai.

         Masha law law hte nga ai majaw shada da jahkrum ra ai lam gaw grau galaw ra na rai nga ai, n-bung hkat ai akyang lai len ni hpe mung mu lu na rai nga ai. Ndai lam ni hpe mayak hku na mu mada na myit shuk chye ai zawn, shingyim masha ni a lam hpe grau chye na wa  shangun nga ai re, bai n-na e tinang hkrai tinang sha nga yang grau kaja ai nga n-na shuk nkam ai rammm ni mung nga nga ai re. tiangn  a  makau grupyin ni hta byim nga ai lam ni tinang hte n-seng ai zawn n-mai nga nga ai, shawa akyu bungle ni hpe tinnang hkrai n-lu galaw nga ai zawn, uhpung uhpawng hte myit hkrum myit ra galaw yang she tang du na lam ni rai nga ai, dai majaw ramm ni hku n-na uhpung hte gin doi chye nga n-na shawa akyu ni hta myit lawm hkum lawm gun hpai saw a lu mug a ngu yaw shada let;

 

 

Ka lajang ai;

John N-nye Seng Tu

RVC Ginjaw Rung

Myitkyina.

Add new comment

2 + 8 =

Please wait while the page is loading

Masha Hpawng Hta Shang Tsap Lu Ai Ramma ( Youth Program ) | Radio Veritas Asia

Error

The website encountered an unexpected error. Please try again later.