Zingri Hkrum Ai Lam Ni Hpe N Tsun Shapraw Gwi Hkra Miwa Mung Na Hkristan Ni Shadut Hkrum Nga

9 July 2019, China

Nawku jawng ntsa sharawt da ai udang ni shayu jahkrat kau ya ai, nawku jawng ni hpe run jahten kau ya ai lam ni galaw hkrum nga ma ai raitim, dai lam ni hpe tsun shabrawng ai lam ni n galaw na matu tsun jahkrit ai lam ni hpe Miwa gum san Mungdan na Hkristian ni hkrum nga ma ai. Mung up du ni kaw nna tsun jahkrit ai lam ni galaw nga ma ai majaw Hkristian ni hku nna shanhte a buga ni hta byin nga ai mabyin lam ni hpe kaga mungkan mungdan ni chye hkra tsun shabra ai lam ni galaw na n gwi byin nga ma ai.

Hanan ngu ai ginwang kaw nna byin hpang wa ai, communist asuya a Nawku hpung ntsa adip arip aroi ara galaw wa ai lam ni, ya Hebei ginwang de du hkra chyam bra nga sai rai nga ai.

Mi wa mung kata na Nawku hpung hte ni htep ai shara ni kaw nna pru wa ai shiga ni hta, lai wa sai May shata hkan kaw nna Hebei mung daw Handan ngu ai Saradaw ginwang na Nawku jawng u dang ni hpe run sharu jahten kau ya ai, nawku jawng ni hpe hpya kau ya ai lam ni, asuya kaw nna galaw nga ma ai, ndai shiga ni mungdan shingan de brawng pru wa ai lam ni nnga hkra asuya kaw nna pat gin htim da ai lam ni galaw da nga ma ai, lama ma jam jau jaw wa na hkrit tsang ai majaw hpung masha ni hku nna ndai lam ni hpe ntsun shapraw gwi nga ma ai.

Mying ntsun shapraw ai hpung masha langai shiga dap de tsun wa ai hta,  “tsun shabrawng ai lam ni galaw yang ja ja matai htang ai lam ni galaw na re, dai zawn matai htang ai lam hta, kaga ngam nga ai Nawku jawng ni hkan na udang ni hpe matut run jahten ya ai lam ni galaw na, Jau Saradaw ni hpe rim zing kau ai lam ni galaw na, nga nna tsun jahkrit da ai lam ni nga ai, dai majaw ndai lam the seng nna Jau ni kaw na hkawt ntsun shaga ai sha zim nga ma ai re” nga nna shiga dap de tsun shana wa ai lam nga nga ai, nga nna Ucan shiga dap internet laika man hta ka shana da nga ma ai.       

Source:ucannews

Add new comment

4 + 3 =

Please wait while the page is loading

Zingri Hkrum Ai Lam Ni Hpe N Tsun Shapraw Gwi Hkra Miwa Mung Na Hkristan Ni Shadut Hkrum Nga | Radio Veritas Asia

Error

The website encountered an unexpected error. Please try again later.