Wajau Kaba James Zukdaw Zung Ding A Jau Prat  (25) Ning Hpring Jubali Poi

Wajau Kaba James Zukdaw Zung Ding a Jau Prat  (25) Ning Hpring Gumhpraw Jubali Poi 2019 May shata praw 7 ya shani hpe Waimaw Jau Ginwang St.Joseph Jawng Wang kaw galaw lai wa ai.

Jubali Poi hta Myitkyina Sasana Sagurem wa Wa Saradaw Francis Daw Tang hku nna Jubali chye ju shakawn Missa hkungga woi awn nawng jau ya sai hte Myitkyina Saradaw Ginwang kata na Jau ni hte Columban Sasana uhpung na maigan jau ni mung Missa hkung sa du nawng jau lawm lai wa ma ai.

Jubali Missa hpang wa na shaloi, Waimaw Jau Ginwang, Hkanan Chwi Chyi Lawk Sara Gaiwang kaw na , Petru Nbang Bum Mung Hkawng La hpe Nawku Hpung magan gun ,Jau tai na masing masa hta shanglawm ai masat masa hku nna Brother shatai ai sanggan shaman ap jaw jahpun ya  ai lamang kadun hpe  Wa Saradaw Francis Daw Tang kawn, woi awn galaw lai wa ai.

Jubali Missa ngut ai hte shagrau sha-a ai lamang hpe matut galaw ai hta, Wajau Zung Ding hpe Waing Maw Jau Ginwang hpung masha ni hku nna Madaw langai kumhpa jaw nna  Htunghking magun shat lit hte Ga shagawp ni hku nna  shagrau lai wa ma ai.Poi Komiti ni kaw nna Wasara Daw Francis Daw Tang hte Jau Ni, Ma Ma ni ,Hpu nau Waimaw  KBC Ginwang Rung, Waimaw Lawk 2 uphkang rung , Chi Hpwi Up Hkang Salang hte Poi hta upnawng dau jau ni hpe shat lit hte shagrau ai lam galaw lai wa ma ai.

Bai nna Chi Hpwi Jaw Ginwang kata na Nawku Hpung masha ni mung Wajau hpe laksan shagrau la ai lam galaw ai hta, mahkawn yu ngwi hte mung,htunghking magun shat lit hte htunghking bu hpun palawng, htunghking soi n hpye hte n htu n-gang , ja ta chyawp ni hte shagrau la ma ai.Wajau Zung Ting gaw lai wa sai ten hta Chi Hpwi Jau Ginwang kaw 20 ning daram, mayak manghkang law law lapran myit n daw n hten ai sha  hpung masha ni hpe woi awn zinlum lai wa sai majaw chye ju dum ai hku nna Jabali poi hta alak mi ya na zawn shagrau ai re lam chye lu ga ai.

Jubali poi shana daw hta mung Kahtawlik shingning hpung CAA hte yungwi ninghking ni hku nna shagwi shapyaw ai lamang hte  ka hkrang yu ngwi pin ra lamang ni hte shagrau ai lam galaw lai wa sai rai nga ai.

Wajau James Zukdaw Zung Ding gaw, Myitkyina Ginwang, Lawu Maw hpawng Mare kaw na rai nna, 1994 ning May shata  1 ya shani Wa Sarabyin a dat kasa Saradaw Kaba Archbishop Luigi Brassan a lata kaw nna, htani htana Jau A ya hpe hkam la sai rai nga ai. Ya ten Waimaw Ginwang Up Jau magam lit hpe gun hpai nga ai Jau langai rai nna Amyu baw sang ga hpan law law chpe chye hti chye shaga ai wa rai nga ai.

Thomas