Wa Saradaw Francis Daw Tang hte Jau Ni Danai San Joseph Hpyen Yen Dabang De Sa Du Gawan

Danai, Kinsa Ra lawk na San Joseph hpyen yen Hpunau ni hpang de Wa Saradaw Francis Daw Tang hte Wajau Noel Naw Lat, Danai Ginwang up Wajau Paul Nbau Zau ni 2019 ning March shata 6 ya shana maga de sa du gawan lai wa ma ai.

Wa Saradaw hte Wajau yan kaw nna n-gun jaw mungga shaga ya ai hte ra ai lam ni hpe hpaji jaw matsun ai hte, Akyu hpyi shaman ai lam ni galaw ya lai wa ai.

Hpyen yen Nu Wa Hpunau ni kaw nna shanhte a ra rawng ai lam ni hte byin mayu ai lam ni hpe tang shawn ai lam ni galaw lai wa ma ai.Hpyen yen ni madung tang shawn ai gaw Buga de bai wa nga ai shaloi shimlum lam nga hkra nawku hpung ningbaw ni kaw nna seng ang ai ai ni hpe tsun jahkrum ya na lam, bawm san seng lam galaw ya na matu tang madun ya na lam ni hpe tang shawn ma aichye lu ai .

2019 March Shata praw 7 ya jahpawt   6:30 am hta Wa Saradaw Francis Daw Tang hte Wajau Naw Lat yan kaw nna Missa Hkungga Nawng ya ai lam mung galaw lu sai 

Ndai hpyen yen dabang hta  KBC Anglican Bugda hte RC Hpung Masha nga ai rai nna, Awng Lawt Mare na buga maaha ni htinggaw ( 114) hte Nam Hkam mare na buga masha ni htinggaw (31) shanu shingbyi nga ai  lam chye lu ga ai.