Wa Sarabyin: Somalia Mungdan Hta "Si Hkrung Si Htan Byin Wa Lu Ai Hkrit Hpa" Hte Seng Nna Shadum Sadi Jaw

August 14, laban shani, "Madu A Lamu Kasa Akyu Hpyi Ga" tsun ngut ai hpang, Wa Sarabyin Francis, Somalia hte htingbu mungdan ni hta mung masha jahpan grai kaba wa ai hte mungdan kata nga shara chyat wa ai lam hpe hparan na matu, shadum da nga ai.

Somalia hte lamu ga jarit ai htingbu mungdan a mungdaw nkau ni hta mung shawa masha hpring chyat wa tim seng ang ai ni hparan jahtuk ai lam n nga shi ai lam chye lu ai.

Dai majaw mung shawa masha ni si hkrung si htan lam byin wa na hkrit tsang ra ai madang da nga taw ai rai nna, Wa Sarabyin Francis, seng ang ai ni hpe shadum sadi jaw da ai rai nga ai.

Kaw si hpang gara ai ni gaw shada da mung, kaga masha ni hpe mung gasat gala, damya mya, lagu lagan lam ni galaw nga ma ai; hkam ja lam ningra ai, hpaji lam ningra ai; ndai zawn re ai manghkang ni bying nga sai lam Wa Sarabyin sawk sagawn dan da nga ai.

Sadi jaw ai lam

Aid agencies ni, bai, Food and Agriculture Organization (FAO), ndai Karum pathau hpung ni sawk sagawn da ai hte maren, Somalia na mung daw matsat (8) hta hkai rem n awng dang ai a majaw du na September hta malu masha grai yak na re lam chye lu ai.

UN refugee agency (UNHCR) hte Norwegian Refugee Council (NRC) tsun ai hte maren nga yang, Somalia mungdan kata de htawt si shang shanu nga ai masha (755,000) a lahta de rai sai lam chye lu ai.

2021 shaning kaw na ya du hkra rai yang Somalia de htawt sit nga ai htawt sit nga ai masha wan mi rai masai lam chye lu ai.

Madu a Lamu Kasa akyu Hpyi Ga tsun ngut nna shadum jahprang galaw ngut ai hpang, Wa Sarabyin Francis, Ukraine mungdan a ntsa Karai Kasang a tsawra matsan dum lama ai gaw n nga nga u ga matu, San Yawhan Pawlu II, lai wa sai hkun ning hta gaw gap da ai, "the Act of Entrustment of the World to Divine Mercy, shawng kaw sa du hpawng de akyu hpyi na matu mung saw shaga da nga ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2022-08/pope-francis-calls-for-attention-to-the-mortal-danger-facing-s.html