Wa Sarabyin Martin Luther King A Dawsa Ai Lam N-nga ai Ninghtawng Sali Wunli Hpe Madi shadaw Ya Ai

Dr. Martin Luther King Jr, a prat hta awng dang lai wa ai shagrau masat dingsat galaw ai lam hpe madi shadaw ai lam Wa Sarabyin Francis masat masa galaw ai laika hpe shagun dat ai lam January 18, bat langai ya shani Vatican Shiga Dap kaw nna ndau da ma ai.Dr. King a shinggyim masha ni lapran simsa lam hte htingram lam, bai, rap ra hkam sha lam ni a matu galaw shakut shaja ai lam hpe Wa Sarabyin hkum nan shakawn shagrau da ai lam rai nga ai.

Daini na mungkan hta, n tara ai lam ni, garan ginhka ai lam ni hte n ru n ra ai lam ni gaw yawng a akyu ara galaw ai lam hpe pat shingdang nga ai majaw, Dr. King a yup mang shingran rai nga ai masha ni yawng a lapran prinem rap ra lam gaw dawsa ai lam n nga ai simsa lam hpe lu la na matu aten shagu ahkyak ai lam rai nga ai hpe ka da ai rai nga ai.

Wa Sarabyin Francis shi hkum nan ka da ai encyclical letter “Fratelli tutti” hpe mung bai tsun shadum da ai. Anhte marai hkum shagu ginlu kahkyin gumdin ai masa hte simsa lam gaw sharawt ra ai lam, dai zawn gaw sharawt ai gaw garan ginhka ai ladat hte n re ai lam, shada n ju n dawng ai ladat hte mung n re ai lam tsun da ai rai nga ai. Bai, shada hkrum shaga lu lam hpaw let simsa lam hpe gaw sharawt sa wa ra ai lam hpe tsun ai mung rai nga ai.

Ndai mahkrun lam hte sha anhte ni ngu ai myit rawng lu na rai nna, kaga masha ni ngu ai myit anhte hta n mai rawng ga ai. Htingbu ni ngu ai myit jasat hte mahkra dang chye ai Karai Kasang a kashu kasha ni a sari sadang/ arawng sadang hpe manu shadan garan kachyan hkam sha lu na rai ga ai. Nau na shada tsaw ra ai hte tara rap ra ai lam hpe arau sha gaw de sharawt sa wa ai hta ta tup magam hte mu mada ai lam hta shani shagu rau hkawm sa ra ga ngu matut n gun jaw da ai hpe Vatican Shiga Dap kaw nna ndau da ma ai.

Translated by Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2021-01/pope-message-martin-luther-king-commemoration-peace-equality.html