Wa Sarabyin: Hkum Sum Hpa Sasana Wuhpung Lakung Ni Gaw Nawku Hpung A Sut Su Ai Lam Re

August 23, bat lahkawng ya shani, (72 lang ngu na Italy mungdan kata Nawku Daw Jau Laban Bat magam hpaw hpang ai lam hpe Italy, Salerno kaw galaw hpag ai re lam chye lu ai.

Secretary of State, Cardinal Pietro Parolin, sa du shang lawm ai rai nna, Italy mungdan Kata Nawku Daw Jau lam hte seng ai ginjaw (Italy, Liturgical Action Center) a hpa-awn (president) Catanzaro-Squillae Saradaw Ginwang Ginjaw na, Archbishop Claudio Mniago hte rau shang lawm ai ni yawng hpe Wa Sarabyin Francis a malai shakram mungga shaga la ai re lam chye lu ai.

Kahtawlik Nawku Hpug a hkum ra zuphpawng kaba (Synodal Church) hta daw jau magam lam amyu myu hte daw jau nga ai gaw tinang ap nawng daw jau ai hta shang lawm ai rai nga ai lam, n bung hkat ai hku hkam la lu ai chyoi pra ai wenyi a chyeju amyu myu hte tinang shaga la hkru ai daw jau lam hta shang lawm nga ai gaw anhte nawku hpung hpe galu kaba bawng ring wa shangun ai rai nga ai lam ni lawm nga ai.

Lai wa sai (50) aten hta, Wa Sarabyin Paulu VI a lahtak hta Sarabyin sharin shaga ai Nawku Hpung sharin shaga lam (Papal Magisterium) hpe bai sumru woi ai Cardinal Parolin mung 'minor orders, grau nna Lector hte Acolyte hte seng ai daw jau magam lam hpe madung tsun da ai.

Ndai minor orders ahkaw ahkang jaw ai lam ni gaw Jau shatai ai shakramentu hkam la na ni hte sha matut manoi ai n rai sai lam tsun da ai rai nga ai.

Jau shatai sakramentu n hkam la na ni mung nawku daw jau magam hta shang lawm lu na matu buga masa lam hta hkan nna hkam ya mai ai hpe tsun ai rai nga ai.

Kam sham ai hpung masha ni a hkyak ai lam hte shanhte galaw ap nawng lu ai lam ni hte hkan shatup ra ai lam ni rai nga ai. Dai gaw langai hta sha ginlum kahkyin gumdin ai daw jau magam lam ni rai nga ai, nga nna Cardinal Parolin sang lang jahpra dan da nga ai.

Rai ti mung, ndai 'minor orders' ni hpe Jau aya shatai hkam la let daw jau magam lam hta ap nawng ai masa lam hte gaw n mai shabung ai, n mai jashuk ai, nga nna mung matut sang lang dan da ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2022-08/pope-diversity-of-ministries-a-richness-for-church.html