Wa Sarabyin Francis Roma Na Matsan Masha Ni Hte Shani Shat Rau Sha Let N-Gun Jaw

November 13, Mungkan Matsan Masha Ni a Nhtoi (World Day of the Poor), laban shani, Vatican kata na San Pawlu VI Hkaw hta mungkan shara shagu na manam 1,300 hte shani shat rau sha let hkrum shaga ai re lam chye lu ai.

World Day of the Poor masat dingsat hku nna, Caritas Rome hte St. Egidio Community (wuhpung) kawn saw shaga lamang galaw woi ai re lam chye lu ai.

Malu masha rau sha ai ndai lamang hta mungkan sasana hte seng ai ahkyak ai ga san ni hpe mung san htai ai lamang hpe mung galaw ai rai nna, dai hpe gaw the Dicaster for Evangelization kawn woi awn ai re lam chye lu ai.

Malu masha hpe gaw Italy's d'Amico Societa di Navigazione company kaw alu jaw daw jau ai re lam chye lu ai.

Caritas Italian sawk shagawn da ai hte maren nga yang Italy mungdan hta sha matsan masha jahpan wan 5.6 nga ai rai nna, dai ni hta ma kaji ni gaw wan 1.4 rai ma ai lam chye lu ai.

World Day of the Poor masat dingsat hku nna laban bat mi tup, Vatan can San Peter Shawa Pa hta matsan mayan ni hpe tsi tsi, tsi gam, gawn lajang ai lamang hpe mung galaw ai re lam chye lu ai.

Dai hta, HIV, sin bum ana, TV ana kanu jep ya nna tsi tsi ai hpe mung galaw ai re lam chye lu ai.

Kap bra ana Covid-19 a majaw ndai zawn tsi tsi gawn lajang ai lam hpe n galaw lu ai lahkawng ning na bat ai hpang dai ning she bai hpang lu ai re lam mung chye lu ai.

Roma na Jau Ginwang kata nga ai matsan mayan Nta kun dinghku 5,000 a matu mung malu masha makai (percels) ni hpe gam garan ya ai re lam chye lu ai.

Malu masha dum hta mahkawng nna jahpan hte hkrak hparan ai hpe gaw Fiera di Roma company kaw nna lit la galaw sa wa ai rai nna, dum nta de gun jaw gun ya ai hpe gaw DRIVALIA oF the FCA bank Group kawn lit la galaw ya ai re lam chye lu ai.

Gumhpraw manu hkrat wa ai majaw yak hkak jam jau hkrum nga ai kun dinghku nta masha ni hpe garum shingtau ya ai lam ni hpe mung galaw nga ai re lam chye lu ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2022-11/pope-offers-lunch-for-the-poor-of-rome.html